Popular Bible Verses from Luka 23

Share

Yesu yaagira ati: Taata, obasaasire, ahakuba tibarikumanya ki barikukora. Baabagana ebijwaro bye, nibabiteerera enteenyu.

Yesu yaamugarukamu ati: Buzimazima ninkugambira nti: Eri izooba noija kuguma naanye omuri Paradiiso.

Yaagira ati: Yesu, ku oriija omu bukama bwawe, onyijukye.

Yesu yaagamba n'eiraka rihango naagira ati: Taata, naata omwoyo gwangye omu mikono yaawe. Ku yaaherize kugamba ekyo, yaahayo amagara ge.

Ku baahikire aha mwanya ogurikwetwa Empanga y'omutwe, aho niho baamubambire hamwe n'ezo nkozi z'ebibi, omwe aha rubaju rwe rwa buryo, n'ondiijo aha rwa bumosho.

Eshaaha ku zaabaire ziri nka mukaaga, omwirima mwingi gwashweka ensi yoona okuhitsya aha shaaha ya mwenda. Omukingo gw'omuri hekalu gwataagukira ahagati.

Omukuru w'abaserukare, ku yaareebire ekyabaho, yaahimbisa Ruhanga naagira ati: Buzima omushaija ogu yaaba ari omuntu ohikiriire.