Popular Bible Verses from Luka 11

Share

Imwe ku muraabe nimumanya kuha abaana baanyu ebiconco ebirungi, haza muri babi, mbwenu Shoimwe w'omu iguru tarikizaho kuha Omwoyo Orikwera abo abamushaba?

Naanye nimbagambira nti: Mushabe, muryaheebwa; musherure, muryazoora; mwiguze, muryaigurirwaho

ahakuba omuntu weena oshaba aheebwa, osherura azoora, kandi oiguza aigurirwaho.

Yaabagarukamu ati: Ku muraabe nimushaba, mugire muti: Tataitwe, eiziina ryawe ryezibwe; obukama bwawe bwije

otusaasire eby'okushiisha byaitu, ahakuba naitwe tusaasira omuntu weena oine eibanja ryaitu; kandi otatutwara omu kwohibwa.

ogume otuhe eby'okurya byaitu ebya buri izooba

Etabaaza y'omubiri gwawe n'eriisho ryawe; eriisho ryawe ku riraabe riri gye, omubiri gwawe gwona guryaijura omushana; kwonka ku riraabe riri ribi, omubiri gwawe gwona guryaijura omwirima.

Tihariho muntu okongyeza etabaaza, akagita omu kiina nari omu kiibo, kureka aha kikondo kyayo, ngu abarikutaaha omu nju bareebe okwaka kwayo.