Popular Bible Verses from Okutandika 28

Share

Reeba ndi hamwe naiwe, ndyaguma ninkurinda ahu oriza hoona, kandi nkugarure omu nsi egi; ahakuba tindikutsigaho, okuhitsya obu ndiheza kukora ebi naakugambira.

Kandi reeba, MUKAMA akaba ayemereire ahaiguru yaago, naagira ati: Ndi MUKAMA, Ruhanga wa Abrahamu shwenkuru, kandi Ruhanga wa Isaaka; ensi egi ei obyamiho ndyagikuha n'oruzaaro rwawe

Yakobo yaasisiimuka omu turo, yaagira ati: Buzimazima MUKAMA ari omu mwanya ogu, nyowe naaba ntakimanyire.

Yakobo yaahiga naagira ati: Ruhanga ku ariguma naanye, yandinda omuri oru rugyendo oru ndimu, yaaguma nampa eby'okurya n'eby'okujwara, bwanyima naagaruka owa taata n'obusingye, obwo MUKAMA aryaba Ruhanga wangye; n'eri ibaare eri naabyara nk'enyomyo, eryaba enju ya Ruhanga; kandi ahari byona ebi origuma nompa, tindibura kukuha ekicweka kimwe kya ikumi.

n'oruzaaro rwawe ruryaba nk'omucuucu gw'ahansi, rubugye oburengyerwa-izooba, n'oburugwa-izooba, obukiizi-bwa-bumosho n'obwa-buryo; kandi omuriiwe n'omu ruzaaro rwawe enganda zoona ez'omu nsi nimwo ziriheerwa omugisha.

Omwanya ogwo yaagweta Beseeli; kwonka eiziina ry'orurembo rwaho rikaba riri Luuzi obunyakare.