Popular Bible Verses from Zhuwawu 16

Share

Dhego dhedhi ginowuwaaddelani wi mukanne murenddele mwa miyo. Elabo ela ya vati muneere okanna makathamiho, mbwenye mmage mirima, vowi miyo gihigonjiha elabo ela ya vati>>.

Wafiya Muneba wa ebaribari oneere wusuuzihani ebaribari yaatene. Vowi kudha owogaga dhookumela wa oliye yeeka, mbwenye dhaatedhene dhinewiiye, sinadhiiye awogege. Onoodha oolaleyeleni dhinaapadduwe musogolo.

Dhiinova kamunalobe yego mu ndina naaga. Lobani, munoodha mwaakele wi ohagalala weenyu okale wowaakwanela>>.

Mowindo ginowuwaaddelani ebaribari ela: Sapama wa nyo miyo gidhowe. Vowi gaahidhowa Namaakihedha kanaadhe wa nyo. Vano gadhowa ginowuurumihedhani. Oliye adha oneere wawooniha athu dhoothega dheewa, awoonihe wogoowa, teto awoonihe othongi wa Mulugu

Mwa mukalelo mmohive dhiinova muli ookubanya, vano ginoodha guwooneni dila ya nabiili, vevo mirima dheenyu dhinoodha dhihagalale. Kalivo onowaakeni ohagalala weenyu. Va nlabo nenddo kamudha mugiloba yego. Ebaribareene, ebaribareene ginowuwaaddelani wi dhaatedhene munamulobigiinyu Baabi mwa ndina naaga oneerege wuuvahani.

Ebaribareene, ebaribareene ginowuwaaddelani wi nyoovo munoodha muundde, mukuwaga, mbwenye athu a elabo ya vati ela enoodha ehagalalege. Munookalana okubanya, vano okubanya weenyu onoodha osadduwe ohagalala.