Popular Bible Verses from Wambeela 27

Share

Mulugu oovahe muzongwe a odhulu, ni dhoovaha dhapama mwiilaboni vamohi ni dhooja ni vinyu owiinjivesesa. Athu yuulabege, milogo dhikokorege vameentoni vaawo. Waathongege addibilo; odhuulu wa amaayo okokorege vameentoni vaawo. Ayene enooddubege enoodha eddubiwege; ale enoreelihege enoodha ereelihiwege>>.

Esawu aheenjedhedhaga owoga, wiira: <<Ebaribareene ndina na Yakobo nihimfwaneelela, ee. Dhedhi dila biili aginyengethaga. Vowambeela ahigaaka epogo yaaga teto ohugaaka mareeliho aaga. Naariwene Babani, kamuhalilena nreeliho nimohi wi mugivahe?>>

Babe Ezaaki ahimwaakulaga, wiira: <<We oneerege omaga woolapelawene wa midda dhapama, woolapelawene wa muzongwe oorubwa odhulu. Onakalelege owanave. Onathongiwege ni ddibilo, mbwenye onoodha omurugunuwele oliye, woobowe muudhaarini mwa fingwi yaaye eli mukohi mwaawo>>.

Vevale Esawu ahaakulaga, wiira: <<Nyo Babani, mwanna mareeliho ayeneve, baahi? Mugireelihe teto ni miyeene!>> Vevale Esawu ahooba kutho.