Popular Bible Verses from Lukas 13

Share

Thon zor te den andre pa o vudar tang. Ke, me phenav tumenge, but roden te den andre, ai naština.

Ai eta, sas kothe jekh žiuvli kai sas ande late jekh duxo kai bangiarelas la de deš-oxto berš; voi sas bangi, ai naštilas či jekh fialo te bešel vorta. Kana vo dikhlias la, o Jesus del duma lasa, ai phenel lake: Žiuvlio, tu san skipime anda tjiro bangimos.

Ai vo thodias pe late le vast. Strazo voi bešli vorta, ai naisil le Devles.

Ai eta, avela anda le mai palune kai avena le mai anglune, ai anda le mai anglune kai avena le mai palune.

Kana o birevo le kheresko uštela ai phandavela o vudar, ai ke tume san avri, tume lena tume te malaven ande o vudar, phenena: Baria, Baria, puter amenge! Vo dela tumenge palpale: Me či žianav katar san tume.

Niči, me phenav tumenge. Numa tume te na keina tume, vi tume xasavona.

Ai vo dela palpale: Me phenav tumenge, me či žianav katar tume san; žiantar mandar, tume sa, butiaria bezexale.

Vo mai phenel: Sar si e amperetsia le Devleski, pe kaste te phenav la me? Si jekh fialo sar jekh simintsa garčitsaki kai jekh manuš lias ai šiudias la ande pesko kimpo; voi barili, areslo kopači, ai le čiriklia anda o čeri bešen ande lake patria.