Popular Bible Verses from Jono 17

Share

Svintsisar le katar tjiro čačimos; tjiri vorba si o čačimos.

Eta, o traio sakda, si ke te prinžiaren tut, o ferdi jekh čačo Del, ai kudales kai tu tradian, Jesus Kristo.

Na ke ferdi lenge me řudjiv, numa vi kudalenge kai patian ande mande katar lengi vorbi, eta ke sa t'aven jekh ande amende, sar tu, Tate, tu san ande mande, ai sar me sim ande tute, eta ke te vi von t'aven sar jekh, te e lumia te žianel ke tu tradian man.

Me či řudjiv tu te les len pa e lumia, numa te les lendar rigate o nasulimos.

Me dem len o luvudimos kai tu dian man, eta ke von t'aven jekh sar ame sam jekh: Me ande lende, ai tu ande mande, eta t'aven vorta jekh, ai ke te e lumia te žianel ke tu tradian man ai ke tu kamlian le sar tu kamlian man.