Popular Bible Verses from Isaaya 54

Share

Tewaabenga kya kulwanyisa kye baliweesa okulwana naawe ekiriraba omukisa; era buli lulimi olulikugolokokerako okuwoza naawe olirusinga. Obwo bwe busika obw'abaddu ba Mukama, n'obutuukirivu bwabwe obuva gye ndi, bw'ayogera Mukama.

Kubanga ensozi zirivaawo n'obusozi buliggibwawo; naye ekisa kyange tekirikuvaako so n'endagaano yange ey'emirembe teriggibwawo, bw'ayogera Mukama akusaasira.

Totya: kubanga tolikwatibwa nsonyi, so toswala, kubanga ensonyi tezirikukwata: kubanga olyerabira ensonyi ez'omu buvubuka bwo, n'ekivume ky'obwannamwandu bwo tolikijjukira nate.

Kubanga Omutonzi wo ye balo; Mukama ow'eggye lye linnya lye; era Omutukuvu wa Isiraeri ye mununuzi wo; ayitibwa Katonda w'ensi zonna.

Gaziya ekifo eky'eweema yo, era babambe amagigi g'ennyumba zo; tokwata mpola, wanvuya emigwa gyo, onyweze enkondo zo.

N'abaana bo bonna baliyigirizibwa Mukama; n'emirembe gy'abaana bo giriba mingi.

Obusungu obwanjaala bwe bwankwata, nnakukisa amaaso gange akaseera; naye ndikusaasira n'ekisa ekitaliggwaawo, bw'ayogera Mukama omununuzi wo.

Nkuleseewo akaseera katono; naye ndikukuŋŋaanya n'okusaasira kungi.

Kubanga ekyo kiri ng'amazzi ga Nuuwa gye ndi; kuba nga bwe nnalayira ng'amazzi ga Nuuwa tegakyayanjaala ku nsi bwe ntyo bwe ndayidde nga sirikusunguwalira so sirikunenya.

N'ebitikkiro byo ndibikola n'amayinja amatwakaavu, n'enzigi zo ne kabunkulo, n'ensalo yo yonna n'amayinja agasanyusa.