Popular Bible Verses from Lluku 5

Share

Ene ungu mane sipe pora sipelie yuni Saimonondo nimbendo: “Sipimu nomu ai suku singine kunduku mengo pukulie oma lili walema nona manie mundu.” nirimu.

Saimonone pundu topa nimbendo: “Ye Nomimu, sumbulu telu oma lili kongono tondolo mundupu tepo molopo tangonjipulie oma te paa naa límulu. Nakolo aku nikinu kene walemo nona manie mundembo.” nirimu. Kanu kinie walema nona manie munduringi kinie oma aisili walemanga sukundu puringine walema nomu sipine sukundu lingí teringi kinie sungu nimbé terimu.

yu ene oringine mundupe kelepa kolea ku leli tenga pupe Pulu Yemo kinie ungu nirimu.

Nane ‘Yambo sumbi nilime na molombona wangi.’ nimbundu ma koleana naa orundu. Ulu pulu keri teli yamboma ˻lipu taponjipu˼ enendo ‘Ene ulu pulu keri telemelema kanoko keri kanoko konopu alowa teko ˻na molombona wangi˼.’ nimbundu orundu.” nirimu.

Aku ulumu kanopalie Saimono Pita Yesusinge kumbikerena omba manie molopa tamalu pepalie nimbendo: “Ye Ailimu, na ulu pulu keri ambololi yemo ˻nu kake teli yemo˼. ˻Teluna molkombolo kapola naa tekemo˼ kene anju puku nu lupe moloi.” nirimu.

Aku siku niringi pilipelie Yesusini enendo nimbendo: “Kuru naa tolemo yamboma doketana naa pulimele. Kuru tolemo yamboma mindi doketana pulimele kanumu.

Kanu kinie enenga sipitolo nomu kélona mengo ulsu ongolie, sipitolo melema pali lepili munduku kelko Yesusi lombili puringi.

˻Kolea Gallilli disiriki sukundu lerimu˼ koleamanga tenga Yesusi molorumu kinie ye te kuru kendi aili tepa nomba perimumu omba Yesusi kanopalie manie molopa tamalu pepa yu mawa tepalie nimbendo: “Ailimu, nunge konopumuni na ‘Konde pambo.’ konopu lenu liemo nuni na manda teko konde lini.” nirimu kinie Yesusini yemo kini ambolopalie yundu nimbendo: “‘Nu konde pani.’ konopu lekero kene konde pui.” nirimu kinie tamburembu kuru kendimu nomba kelerimu.

Nakolo yuni terimu mele anju anju yambo aisilini pilkulie niringimuni, yu molorumuna sukundu sukundu ongo yu temane peanga topa nirimumu pilingindu ongo, yuni ‘Ene tepa konde lipili.’ ningu oringi kanopalie