Popular Bible Verses from Luke 11

Share

Awa dave ae. Imomane awa embo bebegae, ata imomane awa gari. Awatedo, kando dave mamai itomanede pisido ewa. Aindabé, itomane Mamo utuda ami embo beraride dave edo eira, awatedo, embo ainkaimi ainde atega edo era awa, awamanede Asisi Kotopu piari bara!”

“Awatedo, nanemi imondemane tena, jipapa itomane atega ewo, imondemane piari bave. Itomane jipapa awa gain ewo, edo tambave. Edo manguroda tatain jivewo, itomane yai manguro pirigare.

Aindabé, embo aimi God de atega edo eira awa, ainde pieuri budo eira. Edo embo aimi ainda jipapa ro God da yai gain edo, awa tamundo eira. Edo embo aimi God da manguroda tatain jivedo eira awa, God mi embo ainde manguro pirigaina.

Ango tesiri ami awamanede sisina, “Iji nonde imomane benunu tain eite gido engo tewo: Mamo natokare, utuda isima edo eta awa, dao ito kotopu tou ore. Gisijiari ito doyo gumbare. Nakare jipapa ito butuda einda ore, dá utuda edo era ango.

Edo jimbo bebegae natokare kotembedo dowasi, aindabé, nakare dá ango embo neneimi jimbo beyae ro namondekare edo era, awa kotembedo dodo era, awatedo. Edo bawarida nakare kundo aimbote, ata embo beyaeda yai nakare toregewasi.”

Edo namondekare deguta da (1) dowae; indari jipapa edo era, awa piewasi.

Ito jisi awa ango tamo itoda keimo, aindabé ami imo kondade eiuri inono yai berari gido eta. Edo ito jisi karu itae gido, rorae berari dave gata. Ata ito jisi karude gido, rorae berari dave gari tao ae. Awa muyaenda itari ango.

Yesu mi tedo sisina, “Embo da aimi keimo ijimbedo yai onjigarida o ou kuwoda piaede, ata ainda petari yaida pisido eira. Awatedo, embomai gundo mando ainda totoreite parara gara. Edo daedo nane God da gebé awa onjigae, ata ainda moka itomane yai teteno gewa.