Popular Bible Verses from Mak 13

Share

Ne mua unowa yo muuta nain nia iririmem-ikaikuan. Ne ni kekanep yo opora baliwep ookiman nain anane eliw ikowa imenowen.”

Naapeya ni maa uru-urufami ikeka, momor maneka me ikeka. Moram ni maa nain imenarowa fofa me amisareman.

Aria nia opap opora-pa nia wuiwkin ni keker opap kema unu-unowa feenap me wueka, ‘I opora kamenap maiyen noma?’ Iir nain Mua Maneka Ewar-ke kema nieya wia maakowen. Moram opora nain me niena kakeniw opora-ke, Ewar Eliwa-ke kema nieya maowen.

Aapereka miiw onaiya ikoka mesenalinon, ne yo opora-ke me mesenalinon, anane naap ikainon.”

“Maa imenarowa epa kain-pa imenarowa nain mua me amisaremik. Wi ensel pun me amisaremik ne Muuka pun me amisarek. Auwa ona waisow amisarek.

Aria irakowa feekeriw miimowen ne wi epasia-pa irakowa meta wiar miimowen. Ni nain me keker opaka. Makena, sira nain ikoka owow unowa pun wiar imenarowa-ke. Nain miiwa weeserowa epa eewuar ikua.

Naapeya nis pun wi uuwow mua saarik maa uru-urufami ikeka. Koor onoma iikamin ekapinon nain me wiar amisareman. Urera ekapinon-i, uura aara farem-ikaeya-i, e epa wiiwim-i. Oko ni uuwow mua inep ikemik naap ikaiwkin ekapinon. Yo opora nia maakiyem fain emeria mua unow onaiya nia maakiyem. Naapeya ni uru-urufami ikeka.”

Owow unowa ikoka wi-wieniw irakikuan ne owow oko saria-ke owow oko irakowa fee-feekeriw arikuan. Miiw unowa weniw maneka imenarinon, ne maa ofofona pun imenaromakinon. Nain yoowa aawowa epa onoma wuak nain-ke. Wi emeria muukaru naep sirirowa onoma wuimik naap.

Sira nain ewur me imenarinon, yo opor eliwa nain miiw unowa iiwawun pepek wiar ikiweya nain imenarinon.

Ikoka mua unowa ekapemi yo unuma efa unufami maikuan, ‘Yo Krais-ke’. Naap onami emeria mua unowa wia peeskimikuan.

Ne iir nain ni niam uru-urufap. Ikoka yo muuta nain mua papako-ke nia opap lotu koor kemena-pa sarua niarikuan. Ne opora-pa nia wuami anim onoma ne saria maneka wapena-pa nia wuikuan. Naeya wi mokoka-pa yo opor makena nain wia maakowen.

Moram mua unowa wadolalemi yo Krais-ke naikuan. Ne papako-ke wadolalemi yo profet-ke wiam naikuan. Naap maemi mua unowa wia mufemi maa miililina sira-sira imenam-ikaikuan. Naap onami Mua Maneka ona teeria wia nanikap-puak nain pun wia peeskimu naep onikuan.

“Aria epa samora nain weeserem-ikaeya ama umep kokoma teninon ne siiwa pun me wilininon. Mokoma-ke tenep ururomakinon ne aapereka iinan maa unowa kekekrarinon.