Popular Bible Verses from Yon 6

Share

Ne wia maakek, “Maa enowa nain makena yos, eena enep anane eliwa ikowa nain. Wi mua yo efar ekapimik nain wi wuailowa marew. Ne yo opora efar opimik nain kema enekarowa marew.

Ewar Eliwa kekanowa-pa Mua Maneka wameiya ikok anane eliwa ikaikuan. Wi mua wieniw me pepek. Opora eena yo nia maakem nain Ewar onaiya ikua, ne anane eliwa ikowa nain aawowa-ke.

Nain ni maa enowa ewur samorariya nain me senam kema suuwap uufuneka. Mua Muuka opora nia maakiya nain ni ookami anane epa eliwa-pa ikowen. Nain maa enowa saarik kookalep aawem-ikeka. Moram Auwa Maneka ona uuwowa nain Muuka iwemi kekanowa onaiya iwok.”

Yena Auwa kookaliya nain feenap, wi Muuka urufap opora wiar opimik nain anane eliwa ikaikuan. Ne wiimar miiwa weeserow epa-pa yena wia iikirowinen.”

Ne wia maakek, “Mua Maneka uuwowa feenap, mua eena sesekak nain opora wiar opaka.”

Wi mua eena Auwa-ke yiiya nain yo efar epikuan, yo me wia iirarinen.

Naeya Saimon Pita-ke maakek, “Sa, Maneka, i mua naarew wiar ikiwiyen? Anane eliwa ikowa opora onoma nos.

Enowa fain enep anane eliwa ikowa nain, makena yos, maa enowa eena owow iinan-pa orok nain. Wi maa enowa fain enimimik nain, wi anane eliwa ikaikuan. Maa enowa nain yena mia yame maiyem, miiw mua unowa eliwa ikauk naep yena yame wuami uminen,” naap wia maakek.

Mua kuisow onaiw yo me efar ekapinon, weetak. Auwa efa sesekak nain-ke mua wia mufeya yo efar ekapikuan. Ne miiwa weeserow epa-pa yena wia iikirowinen.

Mua Maneka maa enowa feenap nain nia sesekomiya, maa enowa eena iinan-pa orok nain ni miiw mua enep anane eliwa ikowen.”

Anane eliwa ikowa onoma yos, nain maa enowa makena-ke naiyem.

Wi pokap ikaiwkin Yeesus emer ikowa ikur nain aawep Mua Maneka sira eliwa naakep-puap wu-wuepap sererkap wieya enemik. Ne mera pun sira naapiw onak. Wi enemik enemik wia, maa enowa-keriw arek. Wi enep pepek eriwkin ona teeria wia maakek, “Maa enakiwa kiromakek nain baliweka, me wesusikua.”

Wi ikiwep gone-pa ariwkin Yeesus wiokami ifer iinan-pa soomar-ikim-ikaeya urufap keker opamik. Keker opiwkin wia maakek, “Ni me keker opaka, yos-ke!”