Aria wi maa enep weesereya Yeesus-ke Saimon Pita nokarek, “Oo Saimon, Yon muuka, wi teeria fain yo efa kookalimik, nain nos-ke manek akena efa kookalin-i?” Ne Saimon-ke, “Ae, Maneka, no efa amisaren, yo nefa kookaliyem.” Naeya maakek, “Yena sipsip muuk teeria baliwep wia kakalte.” Naap ikok nainiw nokarek, “Oo Saimon, Yon muuka, yo efa kookalin-i?” Ne Saimon-ke maakek, “Ae, Maneka, yo nefa kookaliyem nain no amisaren aa.” Naeya maakek, “Yena sipsip teeria baliwep wia urufam-ike.” Naap ikok kiiriw nainiw nokarek, “Oo Saimon, Yon muuka, yo efa kookalin-i?” Ne naap nokarowa arow areya kema pinarek. Ne maakek, “Maneka, no maa unowa amisaren. Yo nefa kookaliyem nain pun amisaren!” Naeya maakek, “Yena sipsip teeria baliwep wia saalolokam-ikome.”