Popular Bible Verses from Yon 15

Share

Yo wain nomokowa pia ara-ke ne ni ekeka-ke. Ne mua eena yo efamiya ikainon-na, ne yo o wameiya ikainen-na, mua nain makena kerewa wuinon. Ni yo efamiya me ikowen-na sira eliwa kuisow me onowen.

Naapeya ni yena efamiya ikeka ne yo ni niamiya ikainen. Ekeka pia ara-pa mikap makenariya. Onaiw me makenarinon. Ne nis pun naap, yo me efamiya ikowen-na me makenarowen.

Naeya ni yo efamiya ikok yo opora efar opam-ikowen-na maa mauwa kookalep efa nokariman nain eliw nia asipinen.

Nis-ke me efa pepekimeman, weetak. Yos-ke nia pepekimem, ni ikiwemi anane wain nomokowa saarik naap makenarem-ikeka naep. Ne makena nain anane naap niar ikainok. Naeya ni maa mauwa kookalep yo unuma-pa Auwa efar nokarowen-na eliw nia asipinon.

Mua eena ona womar eliwa wia kookalowa sira unowa, nain sira manek akena feenap, ona womar epa wiar aawep os-ke uminon. Nain maa maneka-ke.

Ekeka eena me makenariya nain os-ke efar irawiya. Ne ekeka makenariya nain kerewa makenarinok naep ekeka eena mua mikomakek nain saliwami urukiya.

Ne opora efar ookowa nain feenap, nis pun niam kookalem-ikeka, yo nia kookaliyem naap.

Ne ni nomokowa makenarem-ikowa saarik naap onam-ikowen-na yena teeria-pa efar ikeman nain ariman niam wuowen. Naeya yena Auwa unum maneka aawinon.

“Makena, yo wain nomokowa akena-ke ne yena Auwa-ke wain piita nain urufiya.

Ne mua eena yo efamiya me ikaiya nain nomokow ekeka saarik irawiwkin orop ififarinon. Ne ekeka naap nain fiirimep kuumowa-ke.

Yena kemelowa nain nis pun niar ikainok, ne ni kemelow manekiw ikeka naep opora unowa fain iiriw nia maakomakem.

Ne yo opora yookowen-na yo nia kookaliyem nain me piipuowen. Yo yena Auwa opora wiar ookami o efa kookaliya nain me piipuiyem naap.

Yo sira kekanowa nainiw nia maakiyem, ni niam kookalem-ikeka.”

Ni miiw fain sira wiar ookekaman-na wi wiena wiam kookalimik naap nia kookalekamik. Nain ni me kakeniw miiwa fain mua-ke, weetak. Ni miiw sira-pa ikaiwkin yena nia nanikap aawem. Naeya nia iiwuarimik.