Popular Bible Verses from Yon 13

Share

Naeya yo aakisa sira enuma nia maakiyem, sira feenap onam-ikeka, ni niam kookaleka, yo nia kookaliyem naap. Nis pun naap niam kookaleka. Ni niam kookaliman nain wi unowa nain naap nia urufap maikuan, ‘ona teeria-ke,’ naap nia maikuan.”

Nain yo niena Maneka ne somek mua-ke aakisa yame porop merena nia yasuwomam. Ne nis pun niam porop niena teeria mua oko naap wia oneka. Yo aakisa nia ofakowami onam, ni naap oneka.

Ne Yeesus-ke maakek, “Yo sira oniyem fain onoma me amisaren. Ikoka amisare.”

Makena nia maakiyem, uuwow mua-ke ona saria nomakep os-ke maneka me ariya. E, mua ikip uuwiya nain-ke mua eena o sesekak nain nomakep os-ke maneka me ariya, weetak.

Aria ni aakisa opor kemena amisareman, ne ni sira nain onowen-na Mua Maneka kemelowa niinon!

Naapeya ona wame poromi taar teekow mua saarik arep iikirami ona mia suuwowa anian iirarep konima aawep urom ara-pa aek. Aep-puap epira-pa eka sawikap ona teeria mua kuisowiw merena wiar yasuwap konimiw meren supuka wiar ipiw-ikiwok.