Popular Bible Verses from Aposel 2

Share

Ne wia maakek, “Ni mua unowiya sira samora onaman nain wasirkap mikikira-pa wuiwkin Yeesus unuma-pa nia yasuwiyen. Ne ni pina niar weeserinon. Ne Mua Maneka ona Ewar Eliwa nia sesekomaya niar ikainon.

Ne wi aposel-ke Mua Maneka sira wia maakem-ikemik. Wi unowiya wiam fiirimep maa enowa epaskun enem-ikemik. Ne emera pun naap, wu-wuepap enem-ikemik, Mua Maneka anane kema suuwami farem-ikemik.

Ne Mua Maneka Ewar Eliwa-ke kema wieya wi unowiya opora ononer aakunemik. Eena Ewar Eliwa aakunowa wia suuwak nain aakunemik.

Naap ikaiwkin iinan-pa ewar tuunowa saarik wiar orok. Koor kemena wi ikemik nan orop epa iiwawun aawok. Ne maa oko epia omaiwa saarik nain urufamik. Nain-ke oromi pukep ononer arep emeria mua kui-kuisow woos erekina-pa wiar ikomakek. Ne Mua Maneka Ewar Eliwa-ke kema wieya wi unowiya opora ononer aakunemik. Eena Ewar Eliwa aakunowa wia suuwak nain aakunemik.

Wi kemelami kookalowa kuisow wuap anane maneka tempel koora-pa wiam fiirimep Mua Maneka farem-ikemik, ne pun wiena koora-pa wiam fiirimep maa enem-ikemik. Wi kema kuisow ikok wiam kookalep Mua Maneka kema suuwami, unuma wiar purupem-ikemik. Ne wi sira eliwa naap oniwkin wi sisin mua-ke wi teeria eliwa-ke wia naem-ikemik. Ne Mua Maneka-ke emeria mua papako kema wiar kiripeya teeria nain wiar ekiwkin teeria manekarem-ikua.

‘Mua Maneka-ke maek, “Ikoka miiwa weeserow epa mamaiyarem-ikaeya yos-ke yena Ewar Eliwa ni emeria mua unowiya niinen. Ne niena muuka wiipa-ke ikoka yo opora efar piawem-miawikuan. Wi takir eliwa-ke ikoka mokoka-keriw kiremi maa urufikuan, ne wi panewowa-ke ikoka maa inawera-pa urufikuan.

Ne wi aposel unow onaiya wiam fiirimep Mua Maneka kema suuwam-ikemik. Ne wiena maa unowa sererkap wiam asipam-ikemik. Ne wi miiwa, koora ne maa mutumut wiar ikua nain sesekap maamuma nain aawep wiam asipam-ikemik. Wi emeria mua maa iiwarem-ikaiwkin maamuma sererkap wiem-ikemik. Maa mauwa iiwarem-ikemik nain wiam asipam-ikemik.

Ne mua naarewe-ke efa kema suuwap efa farimik nain wia aawinen.”’ Mua Maneka-ke naap maek.

Ne ikoka ama mokoka uminon ne siiwa oka kirinon, aka saarik. Ne naap ikok Maneka ekapow fofa imenarinon, fofa maneka nain sira ononaiya imenarinon.