Popular Bible Verses from San Marcos 4

Share

Leꞌa Jesús cha ngwaste, cha uteyo xa mbi wa, ndab xa ndoꞌ nits wa: —¡Kexga lu! ¡No xe ute! Leꞌa mbi wa cha uleas, cha ndon xe ute nits wa. Weꞌe leꞌa Jesús cha ndab ndoꞌ be xmen na: —¿Xtaꞌan lbaꞌa nzheb bega zha? ¿Xtaꞌan lá ndangea ladna bega naꞌ zha?

Leꞌa bexa wa mzhebbe, ndabbe ndoꞌ ltsaꞌa na: —¿Tonxá xa ndee zhaga, gast mbi nsea nits nxobgek ndoꞌ diꞌizh ten xa?

Ná leꞌa Jesús ndi naxyats dub xan len barco wa, nsea dub lad ncho xan gen xa. Weꞌe leꞌa be xmen xa mkwaꞌan xa, ndab bexa: —¡Mech! ¿Lá nyuꞌ ladna go leꞌa beuna ngi sat?

No ndab Jesús: —Blaꞌach bega ta ndáp naꞌ ndee. Bi lak ulaꞌach bega‑yá, bi liga mas yakbeꞌena bega‑yá.

Nsea ndab Jesús ndoꞌ be men: —Leꞌa lak nibeꞌe Dios be men nak cuent dub xabgiꞌi ndas trig ndoꞌ yo. Guniꞌi tal naxyats xa natal nsobnaꞌ xa leꞌa trig wa teꞌal tezhea ndiꞌibyaꞌalka.

Bego na ndap nchaꞌ na, blaꞌach bega ta ndáp naꞌ ndee.