Popular Bible Verses from San Marcos 12

Share

Leꞌa Jesús cha ukaꞌab ndab: —Leꞌa ná mas nsak wa nkeaniꞌi ndab‑a: “Blaꞌach bega xa Israel, leꞌa Dios Xa Nibeꞌe ten beuna dubkama nak Dios. Wankea Dios Xa Nibeꞌe idub ncho ladna ladoꞌo lu no idub gealnaban ten lu no idub lak ndanbeꞌe lu no idub juers ten lu.” Leꞌa ná ndee wa mas nsak ndoꞌ iteanak be ta unibeꞌe Dios. Leꞌa ná itop ndee lakkaga nak ná ned wa: “Bkweaꞌ ladna lu be ltsaꞌa lu lakkata lu.” Yá naꞌan stub taꞌa nibeꞌe Dios mas nsak ndoꞌ itop ta ndee.

Weꞌe cha utezh Jesús be xmen na, cha ndab xa: —Leꞌa naꞌ gáp ndoꞌ bega leꞌa xagots prob ndee msaꞌa mas sian med ndoꞌ iteanak bexa baꞌ. Leꞌa bexa msaꞌa sbeꞌen ta myaꞌan sobrtsa, ná leꞌa xagots ndee msaꞌa iteanak be med isiꞌi xa be taꞌa nkiꞌin xa.

Cha ngwatsob Jesús gax wats sa nsaꞌa be men med gon tale ten niꞌi ten Dios. Cha mwiꞌi xa xteꞌe nsaꞌa be men med wa. Leꞌa kwaꞌad men rik ulen, msaꞌa bexa sian med. Leꞌa dub xagots prob ngut xabgiꞌi ten na no ulen, cha msaꞌa xa top med byux uxee nsak.

Leꞌa ta na yankea be men Dios idub ncho ladna ladoꞌo xa, no idub lak ndanbeꞌe xa, no idub juers ten xa, no ikweaꞌ ladna xa be ltsaꞌa xa lakkata leꞌa xa, leꞌa be ta wa mas nsak ndoꞌ xnab ten be man no ndoꞌ iteata be taꞌa nsaꞌa be men ndoꞌ Dios.

Cha ndab Jesús: —Bsaꞌa bega ta ten César ndoꞌ César. Leꞌa ndoꞌ Dios bsaꞌa bega ta ten Dios. Cha ngwanseana bexa xteꞌe ukaꞌab Jesús.