Popular Bible Verses from San Lucas 4

Share

Leꞌa Espíritu ten Dios Xa Nibeꞌe ncho ladoꞌo naꞌ, leꞌa Dios mti naꞌ gudiꞌizh naꞌ ndoꞌ be men uban nak leꞌa Dios gakno bexa. No gun naꞌ wen yoo ladna bexa kweaꞌ ncho ladna, no itoꞌo bexa nkea litgiꞌib, no inaꞌ bexa lá naꞌ. No ko naꞌ bexa kweaꞌ ndencho ndoꞌ yaꞌa be men, no ndalyáp naꞌ leꞌa Dios Xa Nibeꞌe yá ngol tiemp gakno be xmen na.

Leꞌa Jesús cha ndab ndoꞌ maxuꞌu: —Bxoꞌon wats naꞌ, maxuꞌu. Leꞌa diꞌizh ten Dios nkeaniꞌi ndab‑a: “Wankea Dios Xa Nibeꞌe, no bin ta nladtsa xa.”

Leꞌa Jesús cha ukaꞌab ndab: —Leꞌa diꞌizh ten Dios nkeaniꞌi: “Naꞌanpa nabtsa ta ndaw men nban bexa. Mas nsak nxobgek men ndoꞌ diꞌizh ten Dios, leꞌa ta wa ndun nban xa.”

Leꞌa Espíritu ten Dios cha msaꞌa juers ndoꞌ Jesús, cha utoꞌo Jesús toꞌo yowbeꞌe Jordán. Cha mbiꞌi Espíritu ten Dios xa geꞌe sa bid sa naꞌan men.

Leꞌa Jesús cha ukaꞌab ndab: —No ndab diꞌizh ten Dios: “Lá gun lu preb Dios Xa Nibeꞌe.”

Cha li mteꞌa maxuꞌu be ta mbin maxuꞌu preb Jesús wa, cha mlaꞌa maxuꞌu xa dub ndeꞌep.

Weꞌe leꞌa maxuꞌu cha mbiꞌi Jesús gek dub geꞌe gaꞌappa. Cha uxax mluu maxuꞌu itea be gezh nde ndoꞌ gizhliyo. Cha ndab maxuꞌu ndoꞌ Jesús: —Leꞌa itea be gezh baꞌ no itea be ta nsak ncho ndoꞌ be gezh baꞌ, leꞌa ta wa usa naꞌ ndoꞌ lu inibeꞌe lu‑yá. Leꞌa ta baꞌ ta nibeꞌe naꞌ, no sak usa naꞌ‑yá ndoꞌ bexa nlad naꞌ. Tal leꞌa lu isaxib ndoꞌ naꞌ yankea lu naꞌ, leꞌa naꞌ usa itea be ta baꞌ ikaꞌa lu. Leꞌa Jesús cha ndab ndoꞌ maxuꞌu: —Bxoꞌon wats naꞌ, maxuꞌu. Leꞌa diꞌizh ten Dios nkeaniꞌi ndab‑a: “Wankea Dios Xa Nibeꞌe, no bin ta nladtsa xa.”

Weꞌe leꞌa maxuꞌu cha mbiꞌigal Jesús gezh Jerusalén gek niꞌi ten Dios sa ndon leꞌa gaꞌap. Cha ndab maxuꞌu: —Tal leꞌa lu Xin Dios, nat btsaꞌab brink gast ndoꞌ yo baꞌ, geal leꞌa diꞌizh ten Dios nkeaniꞌi ndab‑a: Leꞌa Dios utuꞌub be angel ten na ulaꞌach lu. Leꞌa bexa wa goꞌo lu ndoꞌ yaꞌa na, ndontsa ni lá ikateꞌeb lu ndoꞌ ni dub geꞌ. Leꞌa Jesús cha ukaꞌab ndab: —No ndab diꞌizh ten Dios: “Lá gun lu preb Dios Xa Nibeꞌe.”