Popular Bible Verses from San Juan 19

Share

Leꞌa gor na ngu Jesús ta wa, cha ndab xa: —Nat leꞌa itea be tiꞌin ndal naꞌ ngokla cumplir. Cha ubixkea gen xa, cha myun xa cuent gealnaban ten xa ndoꞌ Dios, cha ngut xa.

Ngol tsoꞌo wa leꞌa Jesús uniꞌíka leꞌa xa mbinla itea be ta nlad Dios gun xa. Cha ndab xa: —Leꞌa naꞌ ndak ladna. Leꞌa xa li ndab ndontsa gak‑a lak nkeaniꞌi diꞌizh ten Dios.

Leꞌa gor na uniꞌí Jesús xnaꞌa na junt nsoꞌ wats dub xmen Jesús, xa na leꞌa Jesús uzheꞌeb nkweaꞌ ladna, cha ndab Jesús ndoꞌ xnaꞌa na: —Naa, leꞌa xa baꞌ ulaꞌach ga cuent dub xin ga nat. Cha no ndab Jesús ndoꞌ xmen xa wa: —Nat ulaꞌach lu xa baꞌ cuent xnaꞌa lu. Leꞌa idub ndoꞌ wa leꞌa xmen Jesús wa cha mlaꞌach xnaꞌa Jesús ta lidka na.

Ná leꞌa gor ngol bexa sa nkea Jesús, leꞌa bexa mnaꞌla leꞌa Jesús ngutla. Cha naꞌanpa igiꞌich bexa xoꞌo Jesús. Parea leꞌa dub soldad wa cha utib dub lanza wats len Jesús. Zha leꞌa sa wa ulen ten no nits.

Leꞌa be ta wa li uyoꞌo lak nkeaniꞌi diꞌizh ten Dios, ndab‑a: “Ni dub tit las xa lá ngach.” No lak nkeaniꞌiga diꞌizh ten Dios: “Leꞌa be men iwiꞌi ndoꞌ xa na utib bexa lanza las na wa.”

Leꞌa Jesús cha nchaꞌano cruz ten na gast sa nsaleaꞌ Gólgota. Leꞌa ta wa dub diꞌizh hebreo gab‑a tit gek men.

No mbindeꞌe be soldad dub ta rued xos yagich usob gek Jesús cuent coron. No mgak bexa Jesús dub lad koꞌol, ta konch ugats.