Popular Bible Verses from Rɔmnda 4

Share

Sika bii ndu mò kɛɛ kpema Hala yiilu ndu-o laalan te, kɛ mí laalan ndɔɔ luei ndu yoomuan, mó biilu Hala. Ndóò síná válán maa Hala nɔ kpaayaa le sɔɛi o yii kpemaa-e peeloo.

Maa mɛɛ o sɛvan yɛ aa: «I siinguu nɔm fuɲaa le vanaa-mangalaa-isɔɔa bɔɔ-bɔɔ». Fuɲa vanaa kan o co vana o laalan-ndo o hɔl ni, Hala pɛɛn. O yɔngu vanvílɛ́iya yoomoo, mó tosa mí ɲɛm co lon fula.

Le tɛɛmbuula naalan nda mal ndu vannda o ba ni, mó tendul le naa dio keo.

Tiindan kɛ́-kɛ̀ ve lɛ le, kɛ mí Abraham tiindan. Mó laalan Hala, le ken o siŋnun «fuɲa-mamaa le vanaa-mangalaa-isɔɔa bɔɔ-bɔɔ» ni, maa mɛɛ ndíì dimulun ndu yɛ aa: «Lende cuavaa nɔmnda vanin sɛ́lɛ́ ni.»

Lelan, le laalanndo naa n sɔla ɲɛm Hala yii kpemaa le naa keo-von ni, vɛ̀ɛ̀ kɛndɛi le co ken te! O kon, kpema kon co le vanaa-vanaa co cuavaa-imamaa Abraham-nda: a co o tɔŋndo bɛngu-a a á laalan vɛlɛ maa ndu Abraham fuɲa naa faw-faw-vo-a.

«Dɛnɛ kɛndɔɔ co le vanaa kan, vanaa Hala mal haki le dɛnnda ndala vɔɔnndan-nda, vanaa hakila ndalan la vɔɔsun-nda! Dɛnɛ kɛndɔɔ co le vana kon, vana Mɛlɛka co lɛ haki ndɔɔ cɔm coo loo!»

Kani Sɛbɛ Hala-o dimi aa: «Mɛɛ Abraham laalan Hala, mí Hala ca ndu vana sandaa le ken.»