Popular Bible Verses from Nsaŋ 11

Share

Mí Yeesu dimul ndu aa: «Ya co tendul vanvílɛ́iya a yoomoo ni. Vana laalan ya pɛ, o vanin yoomu, hali o vu bɛɛ. Nduyɛ, vana-vana va pɛ yoomu, mò laalan ya, ndu vinin te. A laalan ken?»

Mí Yeesu dimul ndu aa: «I dimul nɔm, maa taa laalan pɛ, a canin biilu Hala-o?»

Mí Yeesu caŋ.

Yeesu tueyɔɔ dɔ́ɔ́ lende, mó dimi aa: «O co le piɔ́m sɔla le naa hoo bii ndu le, kɛ le biilu Hala-o cɔmndo, haliko mi Po Hala-o sɔla biiloo.»

Ndóò ciiyo dimio lende, mó yonda a diom bɛndoo aa: «Lasar, fula!» Mí vana vílɛ́i kon fula, pelon a balan va ndu la yiyaalan a kolala n'pɛngɛlan, hɔlla va ndu a simbulaa a fengbɔɔ. Mí Yeesu dimul nda aa: «La tiimbuu ndu, mì la mal ndu, mò kɔɛ.»

Mí dɛnnda lan la pilan vɛlɛ Yeesu kɔllo, mó kɔa o sɛiyo. O buululan nin ndáà kumbu ndu ni, má handu pow bɛndoo o sondoo.

Ndóò ciiyo sɔɔn mun dimio, mó dimul nda aa: «O lɔan Lasar caan naa co ni, kɛ i co lakɔ ndu tindi.»