Popular Bible Verses from O Kandɔɔ 35

Share

Mí Hala dimul ndu vɛlɛ aa: «Ya co Hala Vana-Kpaayaa-Kpow ni. Lelan, naŋ ipúlú mà sɔla cuavaa-imamaa taw. Yungulan a vanaa-mangalaa-isɔɔa súúlan taw a fulanin o polale nɔmnden nin. Masaa fulanin o cuavaa-imamaa nɔmnda tɛɛn. Lɛŋnde ya yɔngu Abraham nda Isaak len, i co nɔm nden yɔngu niaa cuavaa-imamaa nɔmnda nɔm kɔɔli.»

N co faŋan nanu mì n kɔɛ Betɛl. N tiiya pɛ lon, i cɔw fonda-loamaa-lasálàá le Hala mulul-la piɛilen lɔ́ɔ́ ya va o dɛnɛ palaa nin-ndo-o, ó lo ya ikɛi o kela nuu nin-ndo pɛɛn.»

Mó dimul ndu aa: «Diola nɔmndan aa Yakɔb. Kɛ a nɔ lɛnin ladio lende le, diola nɔmndan nin aa Israɛl»

O kon, mí Yakɔb dimul yungu ndɔɔ a vanaa va ndu o ba bɛngu-a kpede aa: «La faŋa piɔmaa co naa tɛɛn-nda naa tɛɛn few-few. La dindin, mì la mangala volɔɔla niaala cuɛinanndan.

Mí Hala dimul Yakɔb aa: «Faŋan nanu. Kɔnnun Betɛl mà kɔ cal lon, mà cow ya fonda-loamaa-lasálàá, ya Hala cɔmnun nɔm telen n va Esau bɛ nɔm ɲaanɔnndo-o pɛɛn.»

Kɛ mí Rasɛl can piɔ́mndo. Tuma o va le kɔllo malnɔnndo-o, mó ke hɔ́ɔ́ piaandu o velu kon-ndo diolan aa Bɛn-Oni (kon co dimio ni aa «Po dɛnɛ ni palaa»). Kɛ mí Yakɔb fuɲa ndɔ ke ndu diolan aa Bɛnyamɛn (kon co dimio ni aa «Po ba kɛndɔɔ»).