Popular Bible Verses from Ɉaan 10

Share

Nwuɔ̨mun nwɛ́i, a pa lɔ, ə gɛ, ə nwuɔ̨ kɛ, ə paa ɓo kɛ, ə lɛɛ, ə kɛɛ kala. Nwɛ́i, ŋį́ pa, ə gɛ, mɛlaaɠaa di yɛnɛ̨ɛ̨ kpɛɛ hvo mą hɔlɔɓo, di ɉɔlɔɓo kpɔ kɛnɛ̨.

«Ɲą́ą́ ɓə gáá ɓɛlaa mɛ̨i kaa mun nɛlɛɛ, ɓɛlaa mɛ̨i kaa mun nɛlɛɛ a gbɔwɔ kwɛlɛ nwɔ ɓɛlaaɠaai mąą mɛ̨nį ɓa.

Ŋɔ́ ɓɛlaaɠaai da nwóó mɛ̨n, ɲą́ą́n ŋį́ di kɔ́lɔn, ə lɛɛ, da hvilɛn búlú.

Ŋą́ yɛnɛ̨ɛ̨ kpɛɛ hvo mą tɛɛ di pɔ, ə lɛɛ, di nwun na hvo pai pili; nu ta hva pɛli di kulɔi ɲéi.

Ɲą́ą́ ɓə gáá a bɛlɛ́ laaləi, nui a tɛɛ bɔ́ɔ́ li pələ, nwun mąą a ɓo. A lɔ, yɛ kulɔ, ə lɛɛ, yɛ kɔ̨nɔ̨n ɉɔlɔɓo.

Ŋą́ nwɔ́ ɓɛlaaɠaai kɔ́lɔn, nwɔ́ ɓɛlaaɠaai di gɔ́lɔn

Ną́n ŋɛ̨i di tɛɛ bɔ́, gɛnɛ̨i dɛɛ hɛn gəlee ɓa, ə lɛɛ, nu ta hva pɛli di kulɔi ną́n ɲéi. Kwa ną́n Yálá ku kaa tɔ̨nɔ̨.»

Yɛ bələi ną́n ə gɔ́lɔn na, pələ lɔ ɓə ɲą́ą́ gbɛli ŋį́ ną́n gɔlɔn na, ŋį́ gbɔ́ɔ́ kwɛlɛ nwɔ́ ɓɛlaaɠaai mąą mɛ̨nį ɓa.

Nu ta hva pɛli hvo nwɔ́ yɛnɛ̨ɛ̨ kulɔ ɲéi, ɲą́ą́ ɓə gbɔ́ɔ́ kwɛlɛ. Ŋą́ pɛli ŋį́ gwɛlɛ, ŋą pɛli nwɔ̨nɔ̨ ŋį́ ɉəɠə. Ŋą́ ɉuwalawala yili hɔlɔɓo ną́n ɲei.»

Jesus ə mo diɛ nwɔ̨nɔ̨ yɛ diɛ: «A tɛ̨ą kpɔ-kpɔ gáá moi kaa, ɲą́ą́ ɓə gáá a mɛlaa kwənąn naaləi.

Kɛlaa, wali kwɛli mun nwɛ́i, yɛ pələi hvo la a ɓɛlaa mɛ̨i kaa mun, ɓɛlɔwai a kwɛ́lí kaa la yɛ pa, a tɛɛ a gilɛ, ə mɛlaaɠaa lɛɛ laa. Gwɛ́líi tii ə too mɛlaaɠaa hu ə di hu taɠa.

A tɛ̨ą kpɔ-kpɔ gáá moi kaa, nui hvo tɛɛi a mɛlaa kwənąn naaləi pələ yɛ lɔ, kɛlaa yɛ tɛ gala ɓa, mąą nu kaa a nwuɔ̨mun, da toomɛ̨i kɛmun.