Popular Bible Verses from ထွက်မြောက်ရာကျမ်း 9

Share

အကယ်စင်စစ် သင့်​အား ငါ​၏​တန်ခိုး​ကို​ပြသ​ရန်​နှင့် မြေ​တစ်ပြင်လုံး​၌ ငါ​၏​နာမ​ကို ကြေညာ​ရန် ငါ​သည် သင့်​ကို တည်​နေ​စေ​ခြင်း​ဖြစ်​၏​။

ထိုအခါ ထာဝရဘုရား​က မောရှေ​အား “​ဖာရော​မင်းကြီး​ထံသို့​ဝင်​၍ ဟေဗြဲ​လူမျိုး​၏​ဘုရားသခင် ထာဝရဘုရား​က ‘​ငါ​၏​လူမျိုး​တော်​သည် ငါ့​အား​ဝတ်ပြု​ရန် သူ​တို့​ကို​လွှတ်​လော့​။

ယခု ငါ​၏​လက်​ကို​ဆန့်​လျက် သင်​နှင့်​သင်​၏​လူ​တို့​အား ကပ်ရောဂါ​ဘေး​ဖြင့် ငါ​ဒဏ်ခတ်​မည်​။ သင်​သည် မြေကြီး​ပေါ်မှ ပယ်ဖျက်​ခြင်း​ခံရ​လိမ့်မည်​။

ထာဝရဘုရား​လက်​တော်​သည် လယ်​၌​ရှိ​သည့် မြင်း​များ​၊ မြည်း​များ​၊ ကုလားအုတ်​များ​၊ နွား​များ​၊ သိုးဆိတ်​များ စသည့် သင်​တို့​၏​တိရစ္ဆာန်​များ​အပေါ် အလွန်​ဆိုးရွား​သော​ကပ်ရောဂါ​ဘေး ကျရောက်​စေ​မည်​။ သို့သော် ထာဝရဘုရား​သည် အစ္စရေး​လူမျိုး​တို့​၏​တိရစ္ဆာန်​များ​နှင့် အီဂျစ်​လူမျိုး​တို့​၏​တိရစ္ဆာန်​များ​ကို သီးသန့်ခွဲ​ထား​သဖြင့် အစ္စရေး​အမျိုးသား​တို့​ပိုင်​သော​တိရစ္ဆာန်​တစ်ကောင်မျှ​မ​သေ​ရ​’​ဟူ၍ မိန့်​တော်မူ​သည်​”​ဟု သူ့​အား ဆင့်ဆို​ရ​မည်​။

အီဂျစ်​ပြည်​တည်​ချိန်​မှစ၍ ယခု​တိုင်အောင် မ​ဖြစ်​ခဲ့​ဖူး​သော မိုးသီး​သည်းထန်​စွာ​ရွာကျ​ခြင်း​ကို မနက်ဖြန် ဤ​အချိန်​တွင် ငါ​ဖြစ်​စေ​မည်​။ ထို့ကြောင့် သင်​၏​တိရစ္ဆာန်​များ​နှင့် လယ်​ထဲ​ရှိ​သင်​ပိုင်​သော​အရာ​အားလုံး​တို့​ကို လုံခြုံ​ရာ​သို့​သိမ်းဆည်း​ရန် ယခုပင်​အမိန့်ပေး​လော့​။ အိမ်​သို့​မ​ခေါ်ဆောင်​လာ​သည့် လယ်​၌​ရှိသမျှ​သော​လူ​နှင့်​တိရစ္ဆာန်​တို့​အပေါ်​သို့ မိုးသီး​ကျ​၍ သေ​ကြ​လိမ့်မည်​’​ဟူ၍ မိန့်​တော်မူ​ကြောင်း ဆင့်ဆို​ရ​မည်​”​ဟု မိန့်​တော်မူ​၏​။

ထို​ကျပ်ခိုး​သည် အမှုန့်​ဖြစ်သွား​၍ အီဂျစ်​ပြည်​တစ်ပြည်လုံး​လွှမ်းသွား​ပြီး အီဂျစ်​ပြည်​တစ်ပြည်လုံး​ရှိ လူ​နှင့်​တိရစ္ဆာန်​တို့​၌ ပြည်​တည်​သော​အနာစိမ်း​ဖြစ်​လိမ့်မည်​”​ဟု မိန့်​တော်မူ​၏​။ ထို့ကြောင့် သူ​တို့​သည် မီးပြင်းဖို​မှ​ကျပ်ခိုး​ကို​ယူ​ပြီး ဖာရော​မင်းကြီး​၏​ရှေ့​၌​ရပ်​လေ​၏​။ မောရှေ​သည်​လည်း ၎င်း​ကို မိုးကောင်းကင်​သို့​ကြဲဖြန့်​လေ​ရာ လူ​နှင့်​တိရစ္ဆာန်​တို့​၌ ပြည်​တည်​သော​အနာစိမ်း​ဖြစ်​လေ​၏​။