Popular Bible Verses from ထွက်မြောက်ရာကျမ်း 4

Share

ထာဝရဘုရား​က မောရှေ​အား “​လူ​၏​နှုတ်​ကို မည်သူ​ဖန်ဆင်း​သနည်း​။ ဆွံ့အ​သော​သူ​၊ နားမကြား​သော​သူ​၊ မျက်စိမြင်​သော​သူ​၊ မျက်စိမမြင်​သော​သူ​တို့​ကို မည်သူ​ဖန်ဆင်း​သနည်း​။ ငါ​ထာဝရဘုရား​ပင် မ​ဟုတ်​လော​။ ယခု သွား​လော့​။ ငါ​သည် သင့်​နှုတ်​နှင့်အတူ​ရှိ​မည်​။ သင်​ပြောဆို​ရ​မည့်​အရာ​ကို သင့်​အား ငါ​သွန်သင်​မည်​”​ဟု မိန့်​တော်မူ​၏​။

မောရှေ​က ထာဝရဘုရား​အား “​အို အကျွန်ုပ်​၏​ဘုရားရှင်​၊ အကျွန်ုပ်​သည် ယခင်က​ဖြစ်စေ​၊ မနေ့က​ဖြစ်စေ​၊ ကိုယ်တော်​၏​အစေအပါး​အား ကိုယ်တော်​မိန့်ဆို​တော်မူ​သော​အချိန်​၌ပင်​ဖြစ်စေ စကားပြော​ကောင်း​သူ​မ​ဟုတ်​ပါ​။ အကျွန်ုပ်​သည် နှုတ်​လေး​လျှာ​လေး​သော​သူ​လည်း ဖြစ်​ပါ​၏​”​ဟု ပြန်လျှောက်​လေ​၏​။

ထိုအခါ ထာဝရဘုရား​သည် မောရှေ​ကို အမျက်ထွက်​၍ “​လေဝိ​အမျိုး​အာရုန်​သည် သင်​၏​အစ်ကို​မ​ဟုတ်​လော​။ သူ​သည် နှုတ်ရေး​ကျွမ်းကျင်​သည်​ကို ငါ​သိ​၏​။ သူ​သည် သင့်​ကို​ကြိုဆို​ရန် ထွက်လာ​ပြီ​။ သင်​နှင့်​တွေ့​သောအခါ သူ​သည် စိတ်​ထဲ၌ ဝမ်းမြောက်​လိမ့်မည်​။