Popular Bible Verses from ဓမ္မရာဇဝင်တတိယစောင် 18

Share

အို ထာဝရဘုရား​၊ ထူး​တော်မူ​ပါ​။ အကျွန်ုပ်​ကို ထူး​တော်မူ​ပါ​။ သို့မှ ထာဝရဘုရား​သည် ဘုရားသခင်​မှန်ကြောင်း​၊ ကိုယ်တော်​သည် လူ​တို့​၏​စိတ်​ကို​ပြောင်းလဲ​စေ​နိုင်​ကြောင်း​ကို ဤ​လူ​တို့​သိ​ရ​လိမ့်မည်​”​ဟု ဆုတောင်း​လေ​၏​။

ညဦးပိုင်း​ယဇ်​ပူဇော်​ရ​မည့်​အချိန်​ရောက်​သောအခါ ပရောဖက်​ဧလိယ​သည် ယဇ်ပလ္လင်​နား​ချဉ်းလာ​၍ “​အာဗြဟံ​၊ ဣဇက်​၊ အစ္စရေး​တို့​၏​ဘုရားသခင်​ထာဝရဘုရား​၊ ကိုယ်တော်​သည် အစ္စရေး​လူမျိုး​တွင်​ဘုရားသခင်​ဖြစ်ကြောင်း​၊ အကျွန်ုပ်​သည် ကိုယ်တော်​၏​အစေအပါး​ဖြစ်​ပြီး ကိုယ်တော်​၏​အမိန့်​တော်​ဖြင့် ဤ​အရာ​အားလုံး​ကို​ပြု​ခြင်း​ဖြစ်ကြောင်း ယနေ့ ဤ​လူ​တို့​ကို သိ​စေ​တော်မူ​ပါ​။

ဧလိယ​သည် လူ​အပေါင်း​တို့​ထံသို့​သွား​ပြီး “​သင်​တို့​သည် ခံယူချက်​နှစ်​ခု​ကြား မည်မျှ​ကြာ​အောင် ဇဝေဇဝါ​ဖြစ်​နေ​မည်နည်း​။ ထာဝရဘုရား​သည် ဘုရားသခင်​မှန်​လျှင် ထာဝရဘုရား​နောက်သို့​လိုက်​လော့​။ ဗာလ​သည် ဘုရားသခင်​မှန်​လျှင် သူ့​နောက်​လိုက်​လော့​”​ဟု ဆို​၏ ။ လူ​တို့​သည် တစ်ခွန်းမျှ မ​တုံ့ပြန်​ကြ​။

ထိုအခါ ထာဝရဘုရား​ထံမှ​မီး​ကျလာ​၍ မီးရှို့ရာယဇ်ကောင်​၊ ထင်း​၊ ကျောက်​၊ မြေမှုန့်​တို့​ကို​ပါ လောင်ကျွမ်း​သဖြင့် မြောင်း​ထဲမှ​ရေ​များ​လည်း ခန်းခြောက်​လေ​၏​။

လူ​အပေါင်း​တို့​သည် ထို​အဖြစ်​ကို​မြင်​သောအခါ ပျပ်ဝပ်​လျက် “​ထာဝရဘုရား​သည် ဘုရားသခင်​အမှန်​ဖြစ်​တော်မူ​၏​။ ထာဝရဘုရား​သည် ဘုရားသခင်​အမှန်​ဖြစ်​တော်မူ​၏​”​ဟု ကြွေးကြော်​လေ​၏​။

ခုနစ်​ကြိမ်​မြောက်​တွင် ငယ်သား​က “​လက်တစ်ဝါးစာ​မိုးတိမ်​တစ်​ခု ပင်လယ်​ဘက်​မှ​တက်လာ​သည်​ကို တွေ့​ပါ​ပြီ​”​ဟု ဆို​၏​။ ထိုအခါ ဧလိယ​က “​အာဟပ်​မင်းကြီး​ထံ​သွား​၍ ‘​ရထား​အသင့်ပြင်​ပြီး ပြန်​ဆင်းသွား​လော့​။ မိုးကြီး​၍​မ​ပြန်​နိုင်​မည်​ကို စိုး​ရ​ပါ​သည်​’​ဟူ၍ ပြောကြား​လော့​”​ဟု ဆို​၏​။

ထိုစဉ် ထာဝရဘုရား​၏​လက်​တော်​သည် ဧလိယ​ထံ​သက်ရောက်​လာ​သဖြင့် သူ​သည် ခါးပန်း​ကို​စည်း​ပြီး​ပြေး​ရာ အာဟပ်​မင်းကြီး​ကို​ကျော်​၍ ယေဇရေလ​မြို့​သို့ ကြိုရောက်​နှင့်​လေ​၏​။

ထို့နောက် ဧလိယ​က အာဟပ်​မင်းကြီး​အား “​တက်သွား​ပြီး စား​သောက်​ပါ​လော့​။ မိုးသည်းထန်​စွာ​ရွာ​မည့်​အသံ ကြား​ရ​ပြီ​”​ဟု ဆို​၏​။

ထို့နောက် သူ့​ငယ်သား​အား “​ယခု သွား​ပြီး ပင်လယ်​ဘက်​သို့​ကြည့်​ပါ​”​ဟု ဆို​လျှင် ငယ်သား​က​သွား​ကြည့်​ပြီး “​မည်သည့်​အရိပ်အယောင်​မျှ မ​တွေ့​ရ​ပါ​”​ဟု ပြန်လာ​ပြော​၏​။ ဧလိယ​က မိမိ​ငယ်သား​အား “ထပ်၍​သွား​ပါ”​ဟု ခုနစ်​ကြိမ်​တိုင်တိုင် စေခိုင်း​လေ​၏​။

ထိုအခါ ဧလိယ​က လူ​အပေါင်း​တို့​အား “​ငါ့​အနား​သို့ လာ​ကြ​ပါ​”​ဟု ဆို​လျှင် လူ​အပေါင်း​တို့​သည် သူ့​အနား​သို့ လာ​ကြ​၏​။ ထို့နောက် ပြိုပျက်​သွား​သော​ထာဝရဘုရား​၏​ယဇ်ပလ္လင်​ကို ပြုပြင်​လေ​၏​။

ထို့နောက် သင်​တို့​ဘုရား​၏​နာမ​ကို ခေါ်​ပါ​။ ငါ​သည်​လည်း ထာဝရဘုရား​၏​နာမ​ကို ခေါ်​မည်​။ မီး​ဖြင့် ထူး​တော်မူ​သော​ဘုရား​သည် ဘုရားသခင်​မှန်​ပါစေ​”​ဟု ဆို​၏​။ လူ​အပေါင်း​တို့​က​လည်း “​ကောင်း​ပါ​ပြီ​”​ဟု ဆို​ကြ​၏​။

“​သင့်​အမည်​ကား အစ္စရေး​ဖြစ်​ရ​မည်​”​ဟု ထာဝရဘုရား​၏​မိန့်ဆို​ခြင်း​ကို​ခံရ​သော​ယာကုပ်​မှ ဆင်းသက်​လာ​သော​အမျိုးအနွယ်​အရေအတွက်​အတိုင်း ဧလိယ​သည် ကျောက်တုံး​တစ်ဆယ့်​နှစ်​တုံး​ကို​ယူ​၍

မွန်းတည့်ချိန်​သို့​ရောက်​သောအခါ ဧလိယ​က သူ​တို့​အား “​အသံ​ကျယ်ကျယ်​အော်ခေါ်​ကြ​ပါ​လော့​။ ဗာလ​သည် ဘုရား​မှန်​သည်​မ​ဟုတ်​လော​။ ယခု ဈာန်ဝင်စား​နေ​ကောင်း​နေ​လိမ့်မည်​။ သို့မဟုတ် အလေးအပေါ့ သွား​ကောင်း​သွား​နေ​လိမ့်မည်​။ သို့မဟုတ် ခရီး​လွန်​ကောင်း​လွန်​နေ​လိမ့်မည်​။ သို့မဟုတ် အိပ်ပျော်​ကောင်း​အိပ်ပျော်​နေ​လိမ့်မည်​။ တစ်ယောက်ယောက် သွားနှိုး​ရ​လိမ့်မည်​”​ဟု လှောင်ပြောင်​လေ​၏​။

ထာဝရဘုရား​၏​နာမ​တည်​ရာ ကျောက်​ယဇ်ပလ္လင်​ကို တည်​ပြီးလျှင် ယဇ်ပလ္လင်​ပတ်ပတ်လည်​တွင် မျိုးစေ့​နှစ်​စေအာ​လောက်ဆန့်​သည့်​မြောင်း​တစ်​ခု​ကို တူး​၏​။