Popular Bible Verses from Matthew 2

Share

Enemun-llu itrameng tangrraat mikelnguq aanii-llu Mary; ciuqerranun-llu ciisqumiggluteng ciktaarvikaat, tukuutmeggnek-llu payugtaat cikiutnek, wani-wa suulutaamek, aruvagkamek, tepkegcilriamek-llu uqumek.

Jesus-aaq yuurcan Bethlehem-aami, Judea-mi, Herod-aaq atanrullrani, tangerrluku yuut umyuartulriit Jerusalem-aamun tekitut Calaram tungiinek, qanerluteng, “Nauwa-mi tauna yuurrnerraq Jews-aat atanerkaat? Wani-wa agyaa tangrramteggu Calaram nuniini, taigukut ciktaarviknaluku.”

Agyaq tangrramegteggu angniqapigtut cakneq.

Qavangurtullratgun Agayutem inerquateng Herod-aamun utertesqevkenaki, nunameggnun utertut Jerusalem-aarmiut tumkevkenaki. Ayaumariata-llu Atanrem an'gilaa Joseph-aamun tangercetuq qavangurtullrakun qanrulluku, “Makluten, qimausgu mikelnguq aanii-llu Egypt-aamun, tuanetniartuci elpengcallerkama engeliinun; wani-wa mikelnguq tauna Herod-aam yuaqataraa piunrirnaluku.”