Popular Bible Verses from Genesis 25

Share

ATANREM kiugaa, Atanruviik malruk iluvni uitauk; “Irniciquten inglukutellriignek, aipaan-llu yui inglukiluteng aipami yuinek. Aipaa pininruarkauluni aiparmini; Ciuqlian-llu kevgiurciqaa kinguqlini.”

Qanerluni-llu Jacob-aamun, “Cakneq kaigtua, nerevkarnga tuaken kavircetellriim iliinek.” (Tauna pitekluku acillruat Edom-aamek.)

Rebecca irniangyuilan Isaac-aam piicautelaraa ATANERMUN. ATANREM-llu kiugaa piicallra Rebecca-llu qingarluni.

Esau qanertuq, “Kitaki! Tuquqatalrianga tang; paitarkanka kaillemni catnguciqat?” Jacob-aam kiugaa, “Ukvernarcarirraara wangnun, ciuqliuluten paitarkan wiinga pikarkaurrluku.” Tua-i Esau ukvernarcariluni paitarkani Jacob-aamun pikarkaurcetaa.

Kinguqlia yuurtuq qecugmiaqluku Esau-m kitngia, taumek aciraat Jacob-aamek. Isaac allrakungellruuq yuinarnek pingayunek (60) taukugnek nuliani irnillrani.

Isaac-aam kenkenrua Esau pitainek assililuni nerlaami, Rebecca-m-llu kenkenruluku Jacob-aaq.