Popular Bible Verses from Genesis 12

Share

Kinguvengevkarciqamken amllernek, tamakut-llu atanruvigpaurciiqut. Atawaqerceciiqamken atren-llu angelriarurtelluku, atawaqautngurrniartuten. “Atawaqaasqilriit elpenek atawaqerceciiqanka, aniqlaasteten-llu aniqlaaciqanka. Elpegun-llu atawaqerceciiqanka nunam yui.”

ATANREM qanrutaa Abram-aaq, “Nakmiin nunan, tungayaten, atavet-llu enii unilluki ayii nunamun allamun nallunairarkamnun elpenun.

Abram-aaq allrakungluni yuinarnek pingayunek akimiarmek cipluku (75) ayallruuq Haran-aamek ATANREM pisquciatun; Lot-aam-llu maliggluku.

ATANEQ alairtuq Abram-aamun qanrulluku-llu, “Man'a nuna cikiutekaqa kinguverpenun.” Abram-aaq-llu ekuaviliuq tuani ATANERMUN alairvikestellerminun.