Popular Bible Verses from Acts 5

Share

Tau͡gaam Peter allat-llu elitnaurat kiugut, qanerluteng, “Agayun niisnganruarkaugarput yugni.

Unuaquaqan-llu agayuvigpagmi, 'laavkaani-llu tamaitni, arulairpek'nateng elicungcariluteng Jesus Christ-aq qalarutkaat.

Peter-aam qanrutaa, “Ananias-aaq, ciin Satan-aam itertau ircaqun, iqlusqelluku Anerneq Tanqilria nunam-llu akiin ilait qemagtesqelluki? Tunvailgan, tamalkuan piksaaqan, tunngerpegu-llu umyuan aturarkauyaaqan. Ciin, tau͡gaam, ircaqurpegun mat'umek taqucit? Yugnun iqlunrituten tau͡gaam Agayutmun.” Tamatumek niicami Ananias-aaq narullgutuq; tuquluni-llu, tamarmeng-llu mat'umek niitellriit civuuraut.

Taumek qanrutamci, angutet ukut uitaciki, ilangcivkenaki-llu. Maa-i picirkiullrat calillrat-llu yugnek pillrukuni, caunrirciquq. Tau͡gaam Agayutmek pillrukan pingutesciigatarci, wall'u Agayutmun anguyautellriacetun ayuqeciquci!”