Popular Bible Verses from Lukas 20

Share

“Na,” paꞌin si Isa, “pangurungun bi si Sultan Nakuraꞌin sukuꞌ si iyehin, duk pangurungun bi si Tuhan sukuꞌ si Tuhanin. (Hātinen, magbayed kaꞌam sukey duk pangurungun bi dibin dambūs-būs si Tuhan.)”

Saguwaꞌ pinayaman siye weꞌ si Isa duk paꞌinne, “Na, ine paꞌinbi hāti ayat inin, tasulat dem kitab, pinaꞌin, ‘Batu tinayikutan weꞌ meꞌ pandey maghinang lumaꞌ batuhin, peggeꞌ kannalde gaꞌi taguna, kuweꞌitu iye ne miyaꞌan batu tamanan maniyaꞌ kagunahannen.’ ”

“Paghalliꞌ-halliꞌanun bi meꞌ guru si saraꞌ āgamahin. Sinna siye lumengngan magsemmek tahaꞌ duk sinna siye sinalam si meꞌ tabuꞌan. Bang dem langgal, mabayaꞌ siye ningkoloꞌ si meꞌ paningkoloꞌan para si meꞌ aꞌa pinagaddatanin. Damikkiyan bang siye si meꞌ pagjamu-jamuhan, kabayaꞌanden ningkoloꞌ si meꞌ paningkoloꞌan mabangsahanin. Sinigpitan weꞌ de meꞌ dende baluhin supaya taꞌeddoꞌde meꞌ lumaꞌden, duk panapukde hinangande malaꞌat inin, magsambahayang siye patahaꞌ, magmā-mā weꞌ aꞌa hāp siye. Bugtuꞌ hukuman hadje tasangkaden si ahilat.”