Popular Bible Verses from Yahiya 6

Share

Paꞌin si Isa, “Aku ne hep kinakan makaꞌellumin. Sasuku manuhut akuhin gaꞌi ne teꞌed inusan balik. Duk sasuku makahagad si akuhin, gaꞌi ne teꞌed lekkakan balik.

Akahante kaꞌam,” paꞌin si Isa, “Niyawa Tuhanin hep makapakellum kitehin bi. Bang kabasag manusiyaꞌin gaꞌ niyaꞌ gunane, gaꞌi makapakellum manusiyaꞌ. Meꞌ bakas panoloꞌku si kaꞌamin makapakellum peggeꞌ paluwas inin amban Niyawa Tuhanin.

Daꞌa iye pagtuyuꞌanun bi kinakan mamagkaꞌatin. Saguwaꞌ iye subey pagtuyuꞌanbin kinakan manggaꞌi magkaꞌatin, kinakan makaꞌellum salama-lamahin. Aku, Anak Manusiyaꞌin, mangurungan kaꞌam kinakan inin, peggeꞌ kaꞌurungan ku kapatut weꞌ Samaku Tuhanin.”

Peggeꞌ kabayaꞌan Samaku Tuhanin, weꞌ subey ellum salama-lama kēmon mangite duk makahagad si akuhin, Anaknen. Duk pakellumku siye si ellew dambuli.”

Sambungan si Isa siye, paꞌinne, “Iye inin kabayaꞌan Tuhan subey hininangbin, weꞌ subey kaꞌam kahagad si aku, iye pinapitunen.”

Kēmon pinasukuꞌ Samaku si akuhin, nuhut du si aku. Duk kēmon manuhut si akuhin, gaꞌi patahalaꞌku

Nambung si Simon Petros, paꞌinne, “Tuwan, sine panuhutan kamihin bang dumaꞌin kaꞌu? Luwal du kaꞌu makabissā meꞌ bissā makapakellum salama-lamahin.

Aku ne kinakan amban surgaꞌin. Aku ne kinakan makaꞌellumin. Bang niyaꞌ mangan kinakan inin, ellum iye salama-lama. Duk kinakan pamakanku si iyehin isikun. Paglillaꞌku barankun supaya kēmon manusiyaꞌin ellum salama-lama,” paꞌin si Isa.

Gaꞌ niyaꞌ kapanuhut si aku bang gaꞌi iye urungan Tuhan mamapitu akuhin bayaꞌ nuhut aku. Duk manuhut si akuhin pakellumku du si ellew dambuli.

Peggeꞌ kinakan pangurung Tuhan inin, iye ne mapitu amban Tuhanin duk ngurung umul iye si manusiyaꞌ.”

Aku kinakan makaꞌellumin,” paꞌin si Isa.

Manjari ineddoꞌ weꞌ si Isa pan nakanakin bu magpasalamat iye si Tuhan, ubus bu binahagiꞌ-bahagiꞌ weꞌ ne si meꞌ aꞌa magtingkoloꞌin. Damikkiyan isab binahagiꞌ-bahagiꞌ weꞌ ne kennahin duk inurungan siye taman kinabayaꞌanden. Pagesso ne siye, paꞌin si Isa si meꞌ tindegnen, “Tipunun bi meꞌ lukasin supaya gaꞌ niyaꞌ tapakaꞌat.”

Pagubus ne siye kapamusey lime atawa ennem kilumetro talahannen, takitede si Isa lumengngan diyataꞌ kuwit-kuwit lamew patapit pī si bangkaꞌde. Kadahitan teꞌed siye manamal. Saguwaꞌ paꞌin si Isa si siye, “Daꞌa kaꞌam tinalew. Aku hep ituꞌ.”