Popular Bible Verses from Yahiya 19

Share

Pagubus miyaꞌan tasessep si Isa, paꞌinne, “Ubus ne hinangkun.” Manjari patondok iye duk bekkat ne napasnen.

Manjari inin, kataꞌuhan si Isa weꞌ kēmon pinahinang si iyehin ubus ne duk jukup ne. Manjari paꞌinne, “Lekkakan ku.” Paꞌinne inin supaya tuman tasulat dem kitabin.

Takite si Isa saꞌinen duk tindegne kinalasahannen laꞌi. Paꞌin si Isa si saꞌinen, “Tindegku iyan anaknu ne.” Duk paꞌinne si tindegne miyaꞌan, “Iyan ne saꞌinun.” Hangkan amban ellew miyaꞌan binoꞌo ne weꞌ tindeg si Isa miyaꞌan saꞌi si Isahin pinatennaꞌ si lumaꞌne.

Saguwaꞌ pagtapit ne siye pu si Isa, takitede weꞌ matey ne hatiꞌ iye, hangkan gaꞌ ne polongde pusuꞌnen. Saguwaꞌ dangan meꞌ sundaluhin, ilogsok weꞌ ne duk budjakne seddi si Isahin. Magtawus pabuꞌus lahaꞌin magsaget duk boheꞌ.

Sabab meꞌ maꞌumantag pu si Isa miyaꞌan, tuman tasulat dem kitabin. Pinaꞌin laꞌi, “Gaꞌ niyaꞌ polong bisan dambuwaꞌ tolangne.” Duk niyaꞌ isab da ayat tasulat dem kitab, pinaꞌin, “Payamande du aꞌa bakas ilogsokden.”

Manjari ineddoꞌ ne weꞌ de si Isa duk binoꞌo weꞌ de paluwas amban puweblo. Pinapanangkit weꞌ de pu si Isa olom sōng pangalansangan iyehin, tudju pī si lugal inēnan “Lahat Bungkug,” bang si bissā Yahudi, “Golgota.”

Ubus miyaꞌan ngalakal meꞌ sundaluhin bāhan luhihan, hininang kuweꞌ korona sultan, duk pinapī weꞌ de si kōk si Isa. Pinasemmekan isab iye weꞌ de juba taluk kuweꞌ juba sultan.