Popular Bible Verses from Hinangan 9

Share

Saguwaꞌ paꞌin si Isa, Panuhutanin, pu Ananiyas, “Pī kew, peggeꞌ tapeneꞌku ne si Saul maghinang si aku. Iye magaka-aka sabab akuhin pī si meꞌ kabangsa-bangsahan dumaꞌin Yahudi, duk si meꞌ kasultananden, duk si meꞌ bangsa Yahudi du isab.

Magtawus iye hebbaꞌ diyataꞌ bulak. Manjari makakale iye suwala missā si iye. Paꞌin suwalahin, “O Saul, Saul. Weꞌey ku binasanu?” Nambung si Saul, paꞌinne, “Sine kew, Tuwan?” “Si Isa ku,” paꞌin suwalahin. “Aku hep bininasanun.

Hangkan hap pī ne Ananiyas duk padiyalem iye pī dem lumaꞌ si Judas. Binettad weꞌ ne meꞌ tangannen laꞌi pu si Saul duk paꞌinne, “Saul, pungtinaꞌite kew. Tiyaꞌ ku dinaꞌak pitu weꞌ Panuhutanten, si Isa, bakas mapakite si kaꞌu si lān papitunun. Daꞌakne ku pitu supaya kew ngite balik duk supaya kew paꞌasekan weꞌ Niyawa Sutsihin.” Magtawus niyaꞌ kuweꞌ bantuk meꞌ sisik kenna laboꞌ amban meꞌ mata si Saulin duk makakite ne iye balik. Manjari kuwat iye duk pinandi iye, tandaꞌ weꞌ sukuꞌ pu si Isa ne iye.