Popular Bible Verses from Tutu Mate 21

Share

Ta ndisaa ma ña chìkan ndo ora kà'an ndo chi'in ma Racha'nu, tu ndicha ña chànini ndo ña ni kuu yi, ni ni'i ndo yi ―kàti Jesuu chi'in ma ndra jàkua'a chi'in ra.

Ta Jesuu te'en nāka'an ra chi'in ndra: ―Ndicha va'i ña kà'in chi'in ndo, ña tu chìnu va'ani ndo ma tu'un Ndioo, ta töve ndo'uvini ndo, na yöve uvaa ma ña jā'i chi'in ma yutun higu i'yani kùu ja'a ndo, vati juuni kùu ka'an ndo te'en, chi'in ma yuku i'ya ndia: “¡Na kundachiyoun chiña, ta nduvaun nuu ma tañu'u!”, kati ndo, ta takan ni kuu yi.

Ta ma ñivi yosonuu, chi'in ma ñivi kàkichi iti' chata, te'en kànachaa ni'i na: ―¡Ya'a ga ka'nu kùu ma ra vàchi tata ma rey David! ¡Ya'a ga ií kùu ma ra vàchi chi'in sivi ma Racha'nu! ¡Ta nduva'a na jaka'nu yo Racha'nu Ndioo nuu ìyo ra andivi! ―kàti na.

Tajan te'en nāka'an ndio ra chi'in na: ―Nuu ma tutu Ndioo ña tāa ma Moisés te'en kà'an yi: “Ma ve'i kùu yi iin ve'e nuu kà'an ma ñivi chi'i̱n.” Va ndyo'o, jāndakuu ndo yi iin ve'e kuenda ma ndian su'u ―kàti Jesuu chi'in na.

Na kukatitu'un ndo te'en nuu ndisaa ma ñivi ìyo ma ñuu Sión: “Na nde'e ndo ña nduva'a nda'vi vàchi ma ra kùu Rey ndo yoso ra iin burru yoko chi'in ma'á ri, se'e ma kiti chìto kuiso karia”, kàti yi.

Tajan Jesuu te'en nāka'an ra chi'in ndra: ―¿A takä'an kuii jakua'a ndo nuu ma tutu Ndioo ña tāa Moisés nuu kà'an yi te'en?: Ma yuu ña jāchiyo ma ndra jàva'a ve'e, yakan kùu ma yuu ka'nu ga kua ndisaa yi, takan jā'a ma Racha'nu, Yakan va ña'a kùu yi iin ña ya'a vii kuenda yo, kàti yi.

’Cha'a' yakan kùu yi ña kà'in chi'in ndo ña ma nuu chà'nda Ndioo tiñu, ni namaa ra yi nuu ndo, ta ni ku'va ra yi nuu ma ndian jà'a ma tiñu va'a kuenda ra.