Popular Bible Verses from Tutu Luka 11

Share

Ta tuva ndyo'o ndian ìyo kuati chìto ndo ku'va ndo ña va'a nuu ma se'e ndo, nda ma Racha'nu Tatá yo, ra ìyo andivi kua'a' ga ña va'ani ja'a ra chi'in ndo, ta juuni kùu ku'va ra ña koo ma Tati Ií Ra nuu nda ndian chìkan yi nuu ra ―kàti Jesuu chi'in ra.

Yakan va yu'u kà'in chi'in ndo: ña na ndakan ndo ña chìniñu'u ndo nuu Ndioo, ta ku'va ra yi nuu ndo. Ta tu nànduku ndo ra, ta nàta'an ndo ra. Ta tu jàkate'e ndo yuve'e ra, ta nuna ra yi nuu ndo.

Vati tu chìkan ndo iin nakuyi, ni ni'i ndo yi, ta tu nànduku ndo iin nakuyi, ta nàta'an ndo yi, ta tu jàkate'e ndo yuve'e ra, ni nuna ra yi nuu ndo ndia.

Tajan te'en nāka'an ndio Jesuu chi'in ndra: ―Ora kà'an ndo chi'in Ndioo, te'en ìyo yi ña ka'an ndo: Yo'o ra kùu Tatá ndi, ra ìyo andivi, ma siviun ya'a ga ií yi. Na kichi ma nuu chà'ndaun tiñu nuu ndi. Ta na ja'un takua kùuniun ma nuñu'u' ñuñivi takua jà'un yi ma andivi.

Na jaka'nuniun ma kuati ndi, takua jàka'nuni ndi ma kuati jà'a kua'a' ñivi chata ndi. Ta koto kü'vagaun ña titunini ndi ja'a ndi ma kuati ta na jakaku̱n ndi nuu yi.

Ta na ku'vaun kua'a' ma paan ña chiniñu'u ndi ta'ii'iin kivi.

Ti ma tinuu yo kùu yi takua kùu iin ma ñu'ú ña ìyo tichi kuñu yo. Ta tu va'a ìyo yi ma tichi tinuu yo, ni ndondichin iti' va'a ña kùuni Ndioo ña ku'un yo, vatu töve ìyo ña va'a ma tichi tinuu yo ni ndonaa nuu yo.

’Vati taku ma ndian tàa ñu'ú kandil ta tìxe'e na yi a chàsi na iin nakuyi nuu yi, töve nda kuenda yi, vati ìyo yi ña kutaa na yi iin nuu sukun, ikan na ndondichin nuu ma ndian kì'vi tichi ve'e na.