Popular Bible Verses from Tutu Xuva 11

Share

Tajan Jesuu te'en nāka'an ra chi'an: ―Yu'u kùu ma ra kùu janataku ndiko ma ndian ndií, ta juuni yu'u kùu ja'a ña kùu koo ndito ma ñivi. Ta ma ndian chìnuni ma ña kà'in, vaji na kuvi na, ni nataku ndiko na. Ta ndisaa ma ndian juuni ndito ta chìnuni na ma ña kà'in, na töve ni kuvi na, vati ni koo na endeeni. Ta Jesuu kīcha'a ndiko ra chìkatu'un ra te'en nuu ma Mata: ―¿A chìnuniun ma ña kà'in i'ya? ―kàti ra.

Yakan va ma Jesuu te'en nāka'an ra: ―¿A töve cha kā'in chi'un, tuva chìnuniun, ni nde'un ti nduva'a kuii ka'nu kùu ma Ndioo? ―kàti ra.

Ta ma Jesuu juuni chāku ra.

Tajan ora chīni Jesuu ma ña kā'an na, ta te'en nāka'an ra: ―Ma kue'e ña ndo'o ma Lázaru, na töve ni kuvi ra ja'a yi, vati yakan kùu yi kuenda ña chi'in ra kùu jana'a yi naja kua ya'a ka'nu kùu ma Racha'nu Ndioo, ta juuni kuenda ña na jana'a yi naja kua ka'nu kùu ma ra Se'e ra ndia.

Ta ora chīnu kā'an ma Jesuu takan, tajan te'en ni'i va'a nānda'yu ra: ―Yo'o Lázaru, ¡na keun ma nuu ñañaun! ―kàti ra. Tajan ora chīnu kā'an ra takan, tajan kēe ndio ma ra chī'í niku ma nuu ñaña, ta ma nda'a' ra chi'in cha'a ra ndikun yi chi'in ja'ma kuichin, ta nuu ra ndasi yi chi'in ja'ma ndia. Yakan va ma Jesuu te'en nāka'an ra chi'in ma ñivi: ―Na ndachi ndo ma ja'ma ña kàva ra, ta na ku'un maa ra ―kàti Jesuu.

Jesuu inga ndiko, nduva'a kuii kīchi ña sutini ra, tajan chājayatin ra ra ma nuu ìyo ma nuu ñaña ma Lázaru. Ta ma ikan kùu yi iin tichi yavi yuu, ta ma nuu kì'vi yo ndàsi yi chi'in yuu.

Takan kūu tajan Jesuu te'en nāka'an tuku ra: ―Ma ra yani yo Lázaru kìxi ra, va ni ku'in kujandakoi ra ―kàti Jesuu.