Popular Bible Verses from Tutu Hechos 7

Share

Juuni yanga kāni ndra yuu chata Esteban, ta te'en nāka'an ra chi'in Ndioo: ―¡Yo'o Racha'nu Jesuu, na ndaki'un animai vitin! ―kàti Esteban. Ta ikan jan chūnandi chiti ra ta nāka'an ni'i ra: ―¡Yo'o Racha'nu na tïsokuatiun ndra cha'a' ma kuati jà'a ndra! ―kàti ra. Tajan ora chinu kà'an ndio Esteban te'en, ta chī'í ra.

Andivi kùu ma nuu nandi̱ chà'ndai tiñu, kàti Ndioo. Ta ñuñivi kùu nuu nìndee cha'i. Yakan va tu takan kùu yi, ¿ta naja kua kuu ja'a ndo iin ve'e kuendai?, kùuni ndo. ¡Na küu yi! Ti yu'u kùu ma ra jātuvi tandi'i ma ña ìyo ñuñivi i'ya, yakan va na küu ja'a ndo iin ve'e nuu koi ña nìndei, kàti ma Racha'nu Ndioo. Takan kà'an ndra kà'an chi'in tu'un yu'u Ndioo.

Va ndrakan chāsi ndra so'o ndra, ikan na töve kuni ndra ña kà'an ra. Tajan endee kùvaa ndra kuà'an ndra nuu ndaa Esteban. Ta tāvani'i ndra ra iti' yu'u ñuu, ta ikan kīcha'a kàni ndra ra chi'in yuu. Ta ma ndra testigu ndra nunuu ndra ji'na ga kāni yuu chata Esteban, tāva ndra ja'ma ìsukun ndra, ta chā'a ndra yi nuu iin ra tivaa, ra nàni Saulu, na kumi ra yi.