Popular Bible Verses from Luke 6

Share

À nuiti kɔ, GALA ka wo ɠɔ. Nii kɔɠɔgai ga pagɔ, maaluɓaai, ɲiikpigai, pooʋaai ma, GALA ka naa ʋu wo-ɠeke su gbu. Mazɔlɔɔ kɔɠɔ ganii nii nɔ wo kɔɠɔgi wosu su, naa nɔ ɠa kɔɠɔgi ɠa wo su wa ɓalaa wo ʋɛ.»

Nu ʋagɔi ɠa ɗa ani ʋagɔiti kula ná-ani makɛsu ʋagɔi, ʋɛ ná ziimaʋɛ, nu ɲɔi ɓalaa ka ɗa ani ɲɔiti kula ná-ani makɛsu ɲɔi. Mazɔlɔɔ nii é ʋooʋazu nui yiimaʋɛ, naa ɠa daaʋɛ, a ɗa bo.

Kɛlɛ à wo zili nuiti nɛɛ ʋɛ. À faa ʋagɔi ɠɛ ti ʋɛ, wo kuyei ʋɛ ti ma, wo mina ɠito ani nɔpɛ ba naa ʋoluʋele. Naazu, wa-ɠulanumai ɠa wɔɔlɔ, naa ʋolu wa ɠɛ ga nii é Anii-Pɛ-Unda, naa ná-dointi, mazɔlɔɔ toɠa ɗa faa ʋagɔi ɠɛ faanɛɛ wuuɠwɛɛtala nuiti bɛ, ta nu ɲɔiti.

À ɠɛ ga gaazumaawɔinɠaa nuiti, eɠɛʋelei wo-Ɠɛɛ la ga gaazumaawɔinɠaa ƓALAGI.

«À mina nu lukpɔɠaaleʋe, GALA ge la wo lukpɔɠaaleʋea. À mina nu ʋeelala, GALA ge la wo ʋeelalaa. À suvaayɛgi wo, GALA ka wo zuvaayɛ.

«Kɛlɛ wɔiti wo gòomɛnisu, nà bosu wo ma ga: À wo zili nuiti nɛɛ ʋɛ. À faa ʋagɔi ɠɛ naati bɛ, ti wo wɔinzeɠezu. À tuya loo naati bɛ, niiti ti wo voovoozu. À GALA fali naati bɛ, ti wo zopele ɲɔu zu.

Nii wo pɔ ga zɔiti ti kɛ wo ʋɛ, à naa ɠɛɠalai ɓalaa kɛ ti ʋɛ.

Ni nui a è loɠana è-woizuʋɛ ɠilagi, zɔɔla ʋelei ɓalaa lete ma. Zɔi ma é ɗa-zeɠe wolai zeɠezu, mina ɠɛlɛ seɠewuzeɠei ɓalaa yɛsu zea. Zɔi é è valizu, naa ɠɔ. Zɔi é è-ɠɔligi ɠulazu è ya, mina ɠɛ ma, é gaaɠale ma.

«Gulu ʋagɔi la ɗa ga gwaa ɲɔu woga. Zenɔ ɠana ɓalaa gulu ɲɔi la ɗa ga gwaa ʋagɔ woga.

Mazɔlɔɔ gului ɠa ɠwɛɛsu ga gaawaai. Nu la ɗa ga kooleɠoole gwaai ɠula ɠain gului ɠa, nu la ɓalaa leezɛn waai ɠula ɠain kpɔvɔi ɠa.