Popular Bible Verses from Mateu 27

Share

Dhuzi na n'dzidzi utatu wa kumaulo, Yezu akhuwa mbalonga tenepa: “Eloyi, Eloyi, lama sabakitani?” Kweneku ndi kubveka “Mulungu wanga, Mulungu wanga, thangwi yanji wandisiya?”

Pa n'dzidzi unowu, nguwo ikhasitira mbuto ya Mulungu mu Nyumba ya Mulungu, yapanduka nakati-na-kati kutomera kudzulu mpaka pantsi. Mataka atekenyeka, myala mbisweka. Nthumbi zafunguka, pontho manungo a anthu azinji a mbumba ya Mulungu akhadafa kale ene, alamuka pa kufa.

Pakumala kukhuwa pontho, Yezu apereka nzimu wace.

Nkulu wa anyankhondo a ku Roma na anyankhondo ace akhaonera Yezu, na kubva kutekenyeka kwa mataka na pyonsene pikhacitika, agopa pikulu kakamwe mbalonga tenepa: “Ndimo mwenedi, mamuna uyu akhali Mwana wa Mulungu!”

Kutomera pa n'dzidzi khumi na uwiri wa masikati, mpaka pa n'dzidzi utatu wa kumaulo, dziko yonsene yagudumirwa na cidima.

Piratu aabvundza pontho kuti: “Kodi ndinancitanji Yezu, anacemerwa Kirixtu?” Onsene atawira na kukhuwa kuti: “Mbakhomerwe pa ntanda!” Piratu aabvundza kuti: “Mphapo, nchanji ca kuipa cidacita Iye?” Mbwenye mbumba ikhakhuwiratu kakamwe kuti: “N'khomereni pa ntanda!”