Popular Bible Verses from Luka 10

Share

Lang'anani, Ine ndakupasani mphambvu za kuponda nyoka na makong'a, na za kukunda nazo mphambvu zonsene za nyamalwa. Nkhabe cinakwanisa kukucitani kuipa.

Penepo Yezu antawira tenepa: “Marita! Marita! Iwe uli kunentseka mbupingizika na pinthu pizinji. Mbwenye cinafunika ndi cibodzi basi. Mariya asankhula cinthu cadidi. Cinthu ceneci nkhabe anafuna kunkwatira.”

Mamuna atawira tenepa: “ ‘Funa Mbuya Mulungu wako, na ntima wako onsene, na uunthu wako onsene, na mphambvu zako zonsene, na ndzeru zako zonsene,’ pontho ‘Funa ndzako ninga iwe ene.’ ”

Yezu aapanga tenepa: “Munda wakula, mbwenye anyabasa acepa. Phembani mphapo kuna mwanacinthu munda, kuti atume anyabasa toera adze kabvune.

“Penepo, Yezu am'bvundza nyakudziwisa wa Mwambo kuti: ‘Kuona kwako, mbani ndzace mamuna uyu adaphatwa na mapanga, pa utatu wawo apa?’ ” Iye atawira kuti: “Ndi ule adam'bvera ntsisi.” Yezu ampanga tenepa: “Iwembo ndoko kacita pibodzi-bodzi.”

Ndokoni! Ine ndisakutumani ninga ana mabira pakati pa mibindzi.