Popular Bible Verses from Markus 5

Share

Sey Yeesu vi'i mo : — Banndam debbo, goonɗinki maaɗa yamɗitinii ma. Yah jam, nyawu maaɗa hoyi.

Ɗoon ɗuum e woodi debbo baɗɗo duuɓi sappo e ɗiɗi lohonol muuɗum taƴaay. Debbo oon yarii bone korey e juuɗe nyawtooɓe ɗuuɗɓe. O majjinii jawdi ma'ako fuu, ammaa o hoyaay, sey ko ɓesdi.

Ɗoon e ɗoon lohonol ma'ako ngool darii, o nani nder ɓanndu ma'ako o yamɗitii.

Yeesu nanngi junngo surbayel ngeel vi'i : — Taliita, kumi ! (Waato « Surbaajo, umma. »)

Ila Yeesu e volva, sey woɓɓe gada wuro Jayrus aardiiɗo suudu-wa'ajordu ngari, ɓe mbi'i mo : — Ɓiya maayii. Ta'a ɓesdu waannugo moodibbo. Ammaa Yeesu yewanaaki ko ɓe mbi'i, o vi'i aardiiɗo suudu-wa'ajordu oon : — Ta'a hul, goonɗin tan.

O vi'ii noon gam Yeesu vi'ii ginnol gonngol nder ma'ako : — Aan ginnol kallungol, vurta nder o'o neɗɗo ! Sey Yeesu ƴami ngol vi'i : — Noye mbi'eteɗaa ? Ngol toontii ngol vi'i : — Odomre, gam emin ɗuuɗi.