Popular Bible Verses from Jon 15

Share

“Yumob sabi? Mi na det tri, en yumob ola wadi, en if yumob kipgon jidan joinap garram mi en mi garram yumob, wal yumob garra abum bigmob daga. Bat if yumob nomo jidan garram mi, wal yumob kaan dum eni gudwan ting

Bat ola wadi kaan abum daga miselp. Dei garra kipgon jidan joinap garram det tri blanga abum daga. “Wal det wed weya aibin gibit yumob bin deigidawei ola rabishwan brom yumob en meigim yumob gudwan, en yumob garra kipgon jidan joinap garram mi, en ai garra kipgon jidan joinap garram yumob du, dumaji if yumob nomo kipgon jidan joinap garram mi, wal yumob kaan dum eni gudwan ting.

“Wal if yumob kipgon jidan joinap garram mi, en if main wed kipgon jidan insaid langa yumob, wal yumob gin askim mi blanga enijing yumob wandim, en ai garra gibit yumob detlot enijing.

“Wal yumob nomo bin pikimat mi. Aibin pikimat yumob. En aibin pikimat yumob blanga go en dum detlot gudbala ting weya main Dedi wandim yumob blanga dum, en ol detlot enijing weya yumob dum garra jidan olagijawan. En wen yumob dum detlot gudbala ting, main Dedi garra gibit yumob enijing weya yumob askim im langa main neim.

En ai dalim yumob. Wen enibodi laigim im fren olabat, wal im laigim olabat. Bat if im dai blanga olabat, wal im laigim olabat detmatj.

en im oldei kadimof ol detlot nogudwan wadi brom det tri weya nomo abum daga, en im oldei kadimof ola rabishwan brom detlot gudwan wadi weya oldei abum daga, dumaji im wandi meigim olabat jidan brabli gudwan wulijim dei garra abum bigmob daga.

En iya na det wed main weya ai gibit yumob. Yumob garra laigimbat gija seimwei laik aibin laigim yumob.

En wen yumob kipgon dumbat ola wek weya main Dedi bin gibit yumob blanga dum, wal yumob shoum ola pipul im brabli haibala, en yumob shoum olabat trubala yumob main wekinmen olabat du.

Wal Jisas bin kipgon tok langa im wekinmen olabat, “Yumob jinggabat na. Mi jis laik det greiptri. Mi na det brabliwan greiptri, en main Dedi im jis laik det fama hu oldei lukaftumbat det tri

en if yumob nomo kipgon jidan garram mi, wal God garra tjakidawei yumob jis laiga fama weya im tjakidawei detlot wadi weya nomo abum daga. Afta detlot wadi oldei go draiwan, en det fama oldei gajimbat detlot wadi en tjakam olabat langa faiya, en detlot wadi oldei barnap.

“Wal aibin dalim yumob tharran, dumaji mi brabli gudbinji, en ai garra meigim yumob gudbinji wulijim yumob garra jidan brabli gudbinjiwei.

Ai nomo bin stapam main Dedi brom laigimbat mi, dumaji aibin oldei duwit langa detlot wed weya imbin gibit mi. En im seimwei du langa yumob. If yumob duwit langa main wed olabat, wal yumob kaan stapam mi brom laigimbat yumob.

Yumob sabi na? Dijan na mi dalimbat yumob. Yumob garra laigimbat gija.”

If yumob bina jidan blanga dijan wel, wal ola pipul langa dijan wel bina laigim yumob jis laiga ronwan femili. Bat aibin pikimat yumob brom dijan wel, en yumob nomo jidan blanga dijan wel na, en blanga tharran na loda pipul langa dijan wel nomo laigim yumob.