Popular Bible Verses from San Mateo 28

Share

De nuha nna gwaltsia lhe'e iyá xea ka yiesi se'e yiesi lo yu‑ni nna gwaluse'e ka benne kini udhetike ka tisa kia‑ni nna gwalugadi ke inda lhe. Tti ugadile ke indaha nna udettile lá Tata Do Yebáha lhe lá Xi'inieha lhe lá Espíritu geeha lhe. Anágaba nna gwalule'e kanie kini udoke tisa ge iyá nu chi bodha'anaa len lebi'i uinke. Neti nna ttu ttu sába gwadúbaa len lebi'i axtaliba ganna chi lhuxa yiesi lo yu‑ni. Amén.

Jesús‑ni nna ubige ata se'ekeha nna ree ke: ―Tata Do Yebáha chiba betebie lo neda len neti kini innabiaya yebáha lhe yiesi lo yu‑ni lhe.

Anjeliha nna unnebie, rabie ka benne nuilaha: ―Bittu gasinle, kumu neti gwayúbaa deki lebi'i regilale Jesús ge Nazaret benne betákana lo ya kurusiha. Lanúru benneha tee nii kumu chiba beyaka ben benneha atti tteba chi reeha. Gwaltáruga gwalugía ata utixxakaneha.

Jesús‑ni nna ree ke: ―Bittu gasinle. Gwaltsia nna gwaligasi ka betsi to kiaha, delába ka benne bedhetiniaha, gwaligasi ke tsiake daka Galilea‑ni, niha ilákanie neti.

Ka nu loni ge ka bixxudiha nna bitupa ttebakana unne lenkana ka benneola ge ka nu Israel‑ni nna beda'a ro'okani begwekana ka soldaduha ixeni belhiu. Nianna tti rákana ka nuha: ―Aní innále: Ka nu bedhetini Jesús‑niba bitakana lo rela tti te'adhituha nna beteleabakana benne yattiha. Ganna eyona Pilatu benne rinnabiaha ge nuní, ri'itu gwanneba lentue kini lebi'i nna abittu isela elha gaa gele. Aníoka nna ka soldaduha uxíbakana belhuha nna benbakana ttiba raba ka bixxudiha kana. De nuha nna nu ra ka soldaduha la'ania, nuha‑ba sa ra ka nu Israel‑ni axtaba nnanna.