Popular Bible Verses from San Mateo 19

Share

Jesús‑ni nna rugíabe loke nna rabie ke: ―Len ka benne se'e yiesi lo yu‑ni, abittu galá aka, ttaka len Tata Do Yebáha iyába gwakaba.

Laxkala labíru anka ka nuha chupa benne, sinuki ttúba benne chi anka ka nuha. Laxkala ka nu chi beketi Tata Do Yebáha, labí dika etsila ttu benne ka nuha.

Lee nna bekabie gekani, ree: ―¿Si lagwa chi belabale lo ka yetsi ge Tata Do Yebáha, ata dia ra deki lee, tti sisi'a tte benie ka benne, “nuila lhe nubiyúba benie ke”? Rágabe: “De nuha nna teeki udhan nubiyúha ka tata nan geniha nna utsá náni len nuila geniha. La'ania nna ixpabakana akakana ttisidiba ttúba benne.”

Nianna tti ra Jesús‑ni ke: ―Gwalugwelha ka binto‑na itakabi len neti, bittu usunale, kumu ka benne runi tti ruin ka binto‑na, luesi ka benne‑na nuná ralhake akake ka benne innabia Tata Do Yebáha ke.

Ttaka ixe ka nu ra xxeni lekani nnanna, eyakakana ka nu abittu ra xxeni lekani la'ania, nna ixe ka nu abittu ra xxeni lekani nnanna, ka nuha‑la eyakakana ka nu inná xxeni lekani la'ania.

Lhe anágaba nuxaba benne ganna si de danalhe neti nna bedhá ikie lisieha lhe ka betsieha lhe ka daneha lhe ka xxudi ixnábie lhe ka xi'inie lhe o si ka lo yu geeha, la'ania nna gayua (100) libe tteba luesi nu bennittieha edíe. Anágaba nna ralhagabe aka benbie ttu dia lii.

Jesús‑ni nna ree na: ―Ganna raka lelu akalu benne runi itá su, beyya nna betto'o iyá nu tee gelu nna belhiu ge nuha nna begwe ka benne abittu geke tee. Ganna aníha uinlu, la'ania nna gwattaba elha tse gelu yebáha. La'anialigaba nna chinka utá tenalha neti.

Jesús‑ni nna bekabie geni, ree na: ―¿Beaka ralu deki ankaa benne tse? Sunruba ttu benne do anke benne tse, delába Tata Do Yebáha. Ganna raka lelu aka benlu ttu dia lii, bedo tisa ge nu bodha'ane uinri'i ganna xa.

Rinnea attu libe ria: adírula satti ga'a ttu camellu lhe'e yieru do xan ttu yoxa attichula ga'a ttu nu tee geni, kini akana nu innabia Tata Do Yebáha na.

Neti ria le, ttu nubiyú ganna kwentaba ela'ana len nuila geniha, ganna abittuba delo ni'a ge de bisá nuilaha attu nu subi, nianna ganna nubiyúha edína attu nuila subi, la'ania nna satsaba nuha chi ruin nubiyúha. Anágaba nubiyú edína nuila chi bedhá ikikaniha, satsagaba nuha chi uin nubiyúha de edína nuilaha.

Jesús‑ni nna ree ka benne rudhetinieha: ―Netiru ria, tsitsiba anka ki isin ttu nu tee geni akana nu innabia Tata Do Yebáha na.