Popular Bible Verses from San Lucas 17

Share

Nianna ree nubiyúha: ―Bedú lii nna beyya lisiluha. Kumu de ugía lelu kia, de nuha nna gwa beyakabalu.

Ganna gasi lidú utsetsinna lu lhe'e ttu sá nna ganna iyába gasi lidúha isiana gana lu: “Chiba bodúna neti nna uxíchi elha xen lasi kia, labíru unia aná”, la'ania nna lu uxíba elha xen lasi geni.

Ttu ka benneha nna tti chi bilánie betúa yiesuha latie, nianna beyekie ribesi'abie, ree: ―¡Xxeniba ra le Tata Do Yebáha! Nianna bedú xibie arlo Jesús‑ni, tuttíruba bere lobie lo yu begwebie benneha ixkixaru. Benne beyekie betebie ixkixaruha, benneha anke benne ge Samaria.

¡De nuha nna gwaluyú gele! ’Ganna ttu betsi to geri'i utsetsinna lu, utisa na nna ganna ennabana elha xen lasi lenlu, uxí elha xen lasi geni.

Jesús‑ni nna rabie: ―¿Laaba tsiile nuná betúa yiesu‑na latile? ¿Nála a jaa ka nuha?

Jesús‑ni nna ree ke: ―Ttibanka ttu besi to ge kuana muxtasa, ttu nuxka'a toru anka nuha, aníha‑gaba nuná lebi'i, ganna ttuxka'a to tte tsia lele Tata Do Yebáha, la'ania nna gwakaba gele gale yaga du naa: “Belhupi ata yadalu‑na nna ugía beyada lagwi indatooha.” Yagaha nna gudobana tisa gele.

Kumu benne rasinie ka satebie ttu bixa de etenalhe neti, benneha nnittilee, delába labí aka ben benneha arlo Tata Do Yebáha. Ttaka benne eria iki eria lebie etenalhe neti meskila bixa satebie, benneha nna gwalálee arlo Tata Do Yebáha.

Jesús‑ni nna rabie ka benne rudhetinieha: ―Teekiba ixú yie ka benne uinke ttu bixa nu satsa, ttaka ¡karusi'iru nu dhi yiena ka benneha! Tserula ganna uxxigakana yienni ttu íyya ge mulinu nna udelhakana na lhe'e indatooha, a laa kila dhi yiena ttu ka nu abittu ra xxeni lekani se'e nii ki uinkana nu satsa.

Akaba attiba uka tti udo Noé‑ni, aníha‑gaba aka ganna chi isia sá esiaya, neti benne daya yebáha. Ka benne use'e la'ania utobake lhe u'uyabake lhe, anágaba nna betsába náke lhe beketigabake ka xi'inkeha lhe axtaliba tti bisia sá uta'a Noé‑ni lhe'e barcuha, nianna bisá inda yiesi lo yu‑ni nna iyábake uttike.