Popular Bible Verses from 1 Juan 5

Share

Ri'i ruxxen leri'i ge Tata Do Yebáha, kumu gwa yúbari'i ttixka rinnabari'i lenie atti ttega ru'u lebie, labie nna gwa riyienbanie geri'i.

Kumu de chi yuri'i deki gwa rudoba nage geri'i ttixka bixa rinnabari'i lenie, anágaba nna chigaba yuri'i deki nu unnabari'iha chiba anka nuha geri'i.

Kumu ganna gwa rudobari'i tisa ge nu benie mandadu uinri'iha, ganna gwa ruinbari'i nuha, la'ania nna nuha runna liina deki gwa rakabinri'i gebie nna nu rabie uinri'iha, labí disa ule'enri'i ganna chi uinri'i nuha. Kumu iyába ka benne chi anka xi'in Tata Do Yebáha chiba udaa ka benneha use'e tsitsike, abittu rixú yieke uinke nu satsa raka yiesi lo yu‑ni. Kumu ri'i, de ruxxen leri'i ge Cristuha, de nuha nna gwa ridaabari'i abittu ruinri'i nu satsa raka yiesi lo yu‑ni.

Ganna ri'i du lenri'i Xi'in Tata Do Yebáha, la'ania nna gwa teeba elha nabani geri'i ttu dia lii nna ganna ri'i abíba du lenri'i Xi'in Tata Do Yebáha, la'ania nna labí gatta elha nabani geri'i ttu dia lii.

Iyá nuní benia lo yetsi‑ni nna ridhelhaa na gele, lebi'i ka benne chi ria lele ge Xi'in Tata Do Yebáha, kini anáchu nna yule deki gwa tee elha nabani gele ttu dia lii.

Gwa yúbari'i deki iyába ka benne, delába ka benne chi ankake xi'in Tata Do Yebáha, labíru rudona leke uinke tulha, kumu Jesús benne anka Xi'in Tata Do Yebáha, labie ruyú tsitsie ke kini abittu ridí yie nu xxegwiha ke.