Popular Bible Verses from Maku 2

Share

Ajamã'ẽ Jesu wenupa aepo e'i mã'ẽ. Ajawyi e'i Pariseu kõ pè: – Emã'ẽ! Poropõanõgarà rè tè ajimosã'ãgatà. Imãrãne'ãgwerà kõ rõwã ojipõanõoka poropõanõgarà pè ipi. Itekorã mãe kõ tè ojipõanõoka ijupe ipi. Ãwitõ poropõanõgarà uu itekorã mãe kõ omokatu, ãwĩvo ve ije ajo pepõ'õ mè, e'i Jesu. Nivoi mãe kõ rè tè ajo aposiko, tijãgyo waiwererà rè itypypyipaoka Janejare'e pè kupa ky'y. A'e rapijarà tè ije. Ajawyi, “Ivo tè aiko”, e'i tite oupe mãe kõ rè rõwã ajo. Nivoi mãe kõ rè tè ajo, e'i Jesu ijupe kõ.

Ãmẽ Jesu a'evoa rè omã'ẽ remẽ e'i oupe: – Haa! Aã kõ “aje” e'i eayvukasia pè mãe kõ tè! e'i. Ajaire etãmã nomãrãkuwai mã'ẽ pè kee e'i: – Ejimokasi ikenẽ, era'yry, e'i. Neaiwererà aitypypyipaoka newyi ky'y, e'i ijupe.

E'i jẽ Jesu ijupe kõ: – Jane kõ pewarà mõ Janejare'e omo'y jimoava 'arà. Nomowasui jimoava 'arà jane kõ pè ipi, e'i.

Weru ipe Jesu kyty kupa. Ajamã'ẽ aty wasu kõ rewarà mõ mã rupi noeroike'ãi Jesu pyri'ĩje'ẽ eraa kupa. Ajawyi okape 'aryvo werojiupi kupa. Okape 'arà omogwa kupa, Jesu 'aryvo katu. A'e kwarà rupi katu omowyjy imuu kupa. Ikea pupeve omowyjy imuu kupa, Jesu rovakeve.

Aje ywete yva pe wyi tè ajo ajimojane ike pepytery pè aiko. Ajawyi eayvukasiay teãmã aiko. Age'e aã amokatutà eayvukasia rupi. Pemã'ẽ ere remẽ, kee pejẽ kuwa: “Aje ywete janeaiwererà oitypypyipaoka kuwa janewyi”, pejẽ kuwa ije, e'i Jesu ijupe kõ. Aepo e'i paire, e'i mijẽ Jesu noatai mã'ẽ pè: – Epõ'ã ikõ nekea rerojivy eraa neretã gyty nẽ, a'e ene, e'i ijupe.

Emã'ẽ. Mã a'e mã'ẽ rè põ “aje ywete” pejẽ kuwa ije? e'i. “Aitypypyipaoka neaiwererà newyi”, a'e mã'ẽ rè kuwa põ “aje” pejẽ? “Epõ'ã eata ekwa”, a'e mã'ẽ rè kuwa põ “aje ywete” pejẽ kuwa? Mã rè põ “aje” pejẽ kuwa? e'i Jesu ijupe kõ.

Ameve kwaima'e opõ'ã wata katu ky'y. Okea omovy erojivy eraa wetã gyty. Aty wasu kõ rovake a'evo wereko Jesu. Ãmẽ pirujẽ omã'ẽ ee mãe kõ ojimonyi tesõ ee omãjã. Janejare'e omoe'e ywete a'evoa rè omãjã kupa. Kee e'i kupa: – Nijamã'ẽi 'eteay ãwĩ rapijarà rè ipi mijã! e'i ojiupe kupa.