Popular Bible Verses from Maku 10

Share

Ereruparà mõ awi tapeiko. Janejare'e Remimuurerà ajimojane mã'ẽ rõmõ teipe ije aiko. Ajamã'ẽ, “Jõvijã tè ije”, na'ei pejẽ. Ãwĩvo mã'ẽ rõmõ rõwã ajo ike jane kõ pytery pè aiko ipi. “Jõvijã rõmõ tajikuwa!” na'ei. Temĩgwai vo 'ejẽ tè ajo jopytery pè poropãtavõarà rõmõ aiko. Jane kõ aiwererà repy rõmõ ajo. Emãnõa tè a'e repykwerà rõmõtà. Jane kõ pewarà mõ amãnõtà, Janejare'e pyri toiko karuaru kupa, e'i Jesu ijupe kõ.

Ãmẽ Jesu omã'ẽ ee kõ erokwa. – Aje, ava jẽ rõwã oo kuwa ipyri oiko karuaru rõmõ. Janejare'e rõmõ'ĩte poromoigo karuaruoka kuwa opyri. Nuvei 'ete iwasu mã'ẽ Janejare'e pè, e'i ijupe kõ.

– Hoõ! e'i Jesu. Tanereapyo katu mijẽ ajawyi! “Aje” ere ekasia pè rewarà mõ, oromoeapyotà. Ejivy eo ãmẽ, e'i Jesu ijupe. Ameve eapyo katu ky'y. A'evo paire Jesu rupi oo iko ky'y.

Ajawyi kee a'e pejẽ. Janejare'e pe'ĩypyte mã'ẽ rõmõ oinõ kõ remẽ, tijamowaite kõ e'ã ojiwyi, a'e pejẽ. Awyje rõmõ a'evo oikopa kupa, e'i Jesu ijupe ky'y.

Ãmẽ Jesu omã'ẽ ywete ee. Wauvay ee omãjã. – I'ete, e'i. Aepo 'aryvo kee tereiko jẽ timanyvo e'ã ene, e'i. Ekwa, nemoma'e kõ tereme'ẽma karakuri repy rõmõ. Ajaire epykwerà emosãima iporijau mãe kõ pè erokwa. Pirujẽ nerekotà neremimota katu kõ Janejare'e pyri kãramõ ãmẽ. Neme'ẽ maire, ejo erupi ãmẽ, e'i.

Ãmẽ Jesu e'i ijupe: – Manyvo põ nepota oroereko? e'i. – Apota ereapyo katu rõmõ aiko, jõvijã! Ereamoapyo rejupa, a'e ene, e'i ijupe.

A'e kõ vo rõwã tapeiko ajamã'ẽ. Pepota pejimojõvijã remẽ, temĩgwai vo 'ejẽ awi tapeiko. Poropãtavõarà rõmõ tapeiko, e'i.

Na'evoi sõ peiko remẽ, napeo'ãi kuwa ipyri ena pè. Aje ywete aepo a'e pejẽ, e'i ijupe kõ.

Keetà ãmẽ. Ijaty jo'arà kyty ekoi epe mãe kõ jokunawyriwarà kõ rõmõ ekoità Janejare'e rena pè ky'y. Jokunawyriwarà rõmõ ekoi mãe kõ ãmẽ jo'arà kytywarà rõmõ ekoità, e'i Jesu ijupe kõ.

“Karamoe remẽ Janejare'e oinõ kwaima'e, wãivĩ reve. Ajawyi ojireko kupa remẽ, opoi oõvijãgwerà kõ wyi oo werekwaa mõ kupa. Awyje rõmõ oiko ojeeve iko kupa ky'y, pe'ĩypyte mã'ẽ rõmõ”, e'i maekwerà.